غربيلك المزروف لا تظلم الناس
نوبات اكو غربيل مايملك احساس!!
االساعدي
غربيلك المزروف لا تظلم الناس
نوبات اكو غربيل مايملك احساس!!
االساعدي
-
يحرك حرك
من يلبس اهدوم الزرك
ياخذ هوه الله ابروحته وخلاني كلش مختنك
كلش غشيم ابصفنته
وحسبالي دايخ بالعشك!
ما ادري قصه ابنظرته
ومعناها لازم نفترك!!
معناها لازم نفترك
االساعدي
بيه صرخه
اترجع العيد المكانه
وهسه يتقدم
محرم
الكاع صبخه
والزرع خان الامانه
والزمن بالهم
تحزم!
االساعدي
هيه روحي الورطتني
وصرت لعبه ابين اديك!
وبكثر ما عذبتني
روحي ضلت تشتهيك
شافتك هسه ونستني
وبقت تطافر عليك
هاك اخذها وفكني منها
الهاكثر مجنونه بيك
االساعدي
ياذلة العازه
البجت اعيوني
واستشهد اوليدي وخابت اظنوني!
ضلت صورته
وتتعذر الطَلاب
لكن مايوفيلي اليكض الباب!
اتمنى االمنيه
إولا تلوموني!!
ياذلة العازه البجت اعيوني!
االساعدي
التعديل الأخير تم بواسطة ارجع يازمان ; 7/July/2016 الساعة 9:39 am
واحسبنك ضلع و اتعاتب اوياك
وتهد الروح ياكلمة صديقي
انته الضيعتني ابذاكه ملكاك!
وانه اوداعتك ضايع طريقي!
االساعدي
واترسلي سم بكلاص كلش بسيطه
بس لا امد الايد لابن الصكيطه!
االساعدي
التعديل الأخير تم بواسطة ارجع يازمان ; 11/July/2016 الساعة 8:16 pm
ياليل وشعر والهم ويانه
هذا الضيم متواعد ويانه
جاب النار وبناره ويانه
ماتدري الجمر شمسوي بيه!
االساعدي
يايمه الدمع شمسوي بيه
وبكثر المسح شليت اديه!
لا همه اليرجعون
لا ترتاح العيون!
لا مرت علي ذيج المنيه!
يايمه الدمع شمسوي بيه
االساعدي
روحي اشتهت ملكاك وامنين اجيبه
وبمشتهاها الروح كلش مصيبه!
االساعدي
