هنا

[ارجع يازمان]

ونته الواعدت ماتنسه هيهات
وانه ابعازتك هسه انته وينك!

ونصبت دمعتي اكبال شمات
كالو عاشت ايده البجه عينك!

االساعدي

[ارجع يازمان]

لا تسئل العلام لا تسئل االناس
والهملوا الايتام ماعدهم احساس!
االساعدي

[ارجع يازمان]

فاركنا الفرح يوم المشيتوا
ومانفرح بعد لوما اجيتوا
وأدور
وين ماوين!
شجاوب
دمعة العين!
تذكرونه بعدكم لو نسيتوا؟
فاركنا الفرح يوم المشيتو
االساعدي

[ارجع يازمان]

والطيبه ما تنظاك وبجية العيد
تشتمها بالاخلاق عند الأجاويد
االساعدي

[ارجع يازمان]

بالك تلوم الروح روحك مريضه
والدعوه عالعافوك وبكل فريضه!
االساعدي

[ارجع يازمان]

هاي الكباره اتلوك للثابت الساس
ماطشر الخوان لمهم عله الراس
االساعدي

[ارجع يازمان]

ياعازتي ابهل يوم بجتلي العيون
والدمعه صعبه اطيخ يم اليكرهون!
االساعدي

[ارجع يازمان]

زفوها تدري اشلون؟-زفة أسيره
ظنت اوياي اتعيش مثل الاميره
االساعدي

[ارجع يازمان]

طَيح دمعتي العوز وين المنيه؟

خافن الهذا وذاك اطلب بديه!

االساعدي

[ارجع يازمان]

يا جناز ريض بالجنازه
ويهد الكلب كل اعتزازه

لا تستعجل ابساع
وبنظرات الوداع

والنظره اشكثر عازتها عازه!
يا جناز ريض بالجنازه
االساعدي