هنا

[ارجع يازمان]

يا حطاب
كالولي شهيد وكلبي بيك انصاب
وبجرف الصخر يا غيرة الاطياب
كالولي بطل وبغيرتك تنهاب
واجيت ابدمعتي فزاع صبت دمعتي بالباب
ياحطاب
كون المثلك ايصاحب لو يبقى ابلايا اصحاب!

مرت سنه وفاركناك
والهسه الجرح ماطاب!

صدكني ولا ننساك
وطاريك ابد ماغاب

يا عطر الشهاده اوياك
نشتمه بهوانه الهاب

لكن كلبي يتمناك
وانته الكاطع الاسباب!

ياحطاب اذا لاكاك
شايلك اهواي اعتاب

بالجنه واكيد الكاك
امودع بسم داحي الباب
ياحطاب!!
حسين االساعدي

[ارجع يازمان]

ألغاز ساعديه!
؟؟؟؟
وتخفه ابغبيش الطار وضحه
وبذاك العلم وايكول وضحه
ويكول الفؤاد ايكول وضحه!
وبنفس النغم صبح ومسيه!
!!!
حسين االساعدي

[ارجع يازمان]

كون اليموت ايموت وياه حبيبه
المن يضل ويشوف هاي المصيبه؟
االساعدي

[ارجع يازمان]

-
لو ندري ابهجركم ماهوينه
وبهذا هواكم ما هَوينه
أناشدكم دليلي ماهو وينه؟
وبيوم الهجر راح امنديه
االساعدي

[ارجع يازمان]

حيل توجع نضرة الوادم عليك
من يسمعون البواجي وبعد ولفك مايجيك!
االساعدي
انساك؟
شتسولف ولك
شلك ابهاي السالفه!

والروح صارت بس الك
ويه البشر متخالفه

واسنين صار اتأملك
والدمعه كلش خايفه!

خافن يمنعونك هلك
وانه الفرح ما شايفه
االساعدي

[ارجع يازمان]

لا ما يرد هيهات بطل عتابك
لو ترجع الاموات يرجع شبابك!!
االساعدي

[ارجع يازمان]

اشكد غشيم
الينوخذ منه حبيبه
ويقنع ابالله كريم!!
اشكد غشيم
االساعدي

[Drgam Basra]

روووووووووووووووووووووووو وووووووووعه

[ارجع يازمان]

روووووووووووووووووووووووو وووووووووعه

حضوركم اجمل

[ارجع يازمان]

الماكدر ياخذ حبيبه
اتقشمر بقسمه ونصيب!!
االساعدي