هنا

[ارجع يازمان]

-
صدكني وبيوم الرحت
راحت اوياك العافيه

ويه الدموع اتصاحبت
والبسمه كلش طافيه!
االساعدي

[ارجع يازمان]

انه الخاطرك
كاسر اخشوم اهواي
وانته
الخاطر الما يسوه!!
كاسرني!
االساعدي

[ارجع يازمان]

واعاتب
يا حكم!
والكلمه ما تنقاس!
الماعنده
عرض
بسط ابعرض الناس!!
االساعدي

[ارجع يازمان]

لا تسئل اعله الحال وبصفنة الليل
صرت اشتغل حمال عد الحماميل!!
االساعدي

[ارجع يازمان]

هلبت هودت لحظه يبرجان!
راح الجان للخاطر يبرجان
جان اليحلف ابخته يبر جان
هسه اشما حلف صعبه القضيه!
االساعدي

[ارجع يازمان]

وجهك شمس تموز ويودر العيوون
غطي الوجه بالليل لا تكلب الكون!
االساعدي

[ارجع يازمان]

وين الله هالمصباح وبفتحت الباب
واتلاكه عين ابعين بعيون الاحباب

خلصت دمع العين سموني مجنون
واخر بجي ابفركاك ذبيت العيون
االساعدي

[ارجع يازمان]

صباح الوفاء
لكل الشهداء
اللهم ارحمهم برحمتك وصبرنا على هذا البلاء
وخلص العراق من الدواعش والمسئولين الجبناء
اااااللهم اامين
االساعدي

[ارجع يازمان]

يادنيا ليش اويانه مكلوبه!!
واللي يحب مايلكه محبوبه
شو بالعكس تمشين!
واحبابي راحوا وين!
للما نريده القسمه مكتوبه!
يادنيا ليش اويانه مكلوبه!!
االساعدي

[ارجع يازمان]

-
جده نوفه
جده نوفه___
اتغيرت دنيانه هايه وصارت امرايه المشوفه!
والجذب صار ابحجينه وجنه نتعده ونعوفه!!
والحرامي الصار حارس والفتاوي البيها لوفه!
واليتيم الحار بامره وحته ما ندري ابضروفه!
جده نوفه
الحاكم الباك بنفطنه؟ مشه البيت الله ويطوفه!
االساعدي