-
ياضيم الدمع عيني تراهم
وشما ناطرَت ماظن تراهم
وانته العذبت روحي ترى هم
بيدك سلمتني الهل منيه!
االساعدي
-
ياضيم الدمع عيني تراهم
وشما ناطرَت ماظن تراهم
وانته العذبت روحي ترى هم
بيدك سلمتني الهل منيه!
االساعدي
مساءات ساعديه
مساء العافيه الكل اليوافوون
وما اعوفنكم انه اشما يلومون
صفت روحي بديكم
واجيت أسئل عليكم
واكول اشلونكم ياماي العيون
مساء العافيه الكل اليوافون
االساعدي
شعر رائع جدا
حضورك اجمل دمتي بخيرالمشاركة الأصلية كتبت بواسطة طالبه انيشتاين
-
وجهك يحرك اعيون اليصدليك
دخيلك غطي وجهك من الاكييك
هاي اخدودك اشلون
شمس تحرك بالعيون
امك جابتك وانه احترك بيك!
دخيلك غطي وجهك من الاكيك
االساعدي
فارغ طلع ياحيف حسبالي مليان!
فزعته وكت الضيج ويكلي تعبان!
الساعدي
والرته وكت الضيج والظهري لازم
عافاني للشمات مثل الحواسم!
االساعدي
-
ليش تشكي؟
وليش عايش بالنياحه
واخذ مني
احجايه مليانه صراحه
صوج روحك
جابتك لاهل الكباحه!
االساعدي
ياكلبي كافي تحن صدكني ميرجعون
لو يحبونه صدك ماجانوا ايبعدون
خلوك وحدك تون بس راحوا ايضحكون
انسه الليالي المضن بس لا تكلي اشلون!
كل الحلول انتهن ما ضل بعد كل لون
عرفوا ادروب الغدر ما عرفوا ايحبون!
ياكلبي هذا الوكت بيه قله اليوافون
بس الغدر منتشر يل بالغدر مَطعون
وبهلزمان الوفي ايوصفونه بالمجنون!
وال جرح فَرَخ جرح زين انت وبفد جرح
كبرن اجروحي ومشن يتشمسن عالسطح
بالملح يتمَسحن يغفن ابجيس الملح!
وتسابكن بالنزف من العصر للصبح!
االساعدي
كبرته لمن صار يمشي ابرهاته
باعاني بالمازد بين الشماته!
االساعدي