هنا

[ارجع يازمان]

جانت اوياي الحبيبه
وهاكثر جانت وفيه

لكن القسمه المصيبه
مارضتها اتصير اليه!
وافترقنا
ابهل حقيقه
والجدم
ضاع ابطريقه

والبخت ومنين اجيبه!
وضاعت الحسبه عليه
ومارضوها اتصير اليه!

االساعدي

[ارجع يازمان]

مصايد شوك
كالتها ابكلب محروك
ابنيه وجنت أحبنها وبس هيه العليه اتلوك!
جنه اثنين
محسوديين
غالين ابغلاة السوك!
جنه اثنين
عين ابعين
والضحكه التشك احلوك!
جنه اثنين
اجتنه القسمه مدري امنين!
وراحت ذيج البنيه
راحت جنهه مسبيه!
فضينه الشراكه ادموع
كل واحد جرح مخنوك!
شفنه الدنيا جذابه
ومحد ياخذ احبابه
وحسينه العمر مبيوك
وأثاريها
مصايد شوك!
االساعدي

[ارجع يازمان]

اشما تفجرونه ونزيد
وننعل ابجدكم يزيد

احنه ما نخلص بعدنه
ونرجع اكثر من جديد

احنه انصار القياده
وانتم انصار العبيد!

وعاين ابدم الشهاده
الخَضر ابمية شهيد
االساعدي

[ارجع يازمان]

-
مقياس العقل ينكال
لازم تحجي بالمقياس

والكلمه التهز اجبال
لا تشمرها ويه الناس!

وحجايه التهدي البال
وحجايه التشيب الراس!
االساعدي

[ارجع يازمان]

ياوطن باسمك حجينه
وباسمك انضحي العمر

ياوطن والفزعه بينه
وبينه دومك تفتخر

والنذر جبناه بدينه
ولازم انوفي النذر

واحنه ياضيم اليجينه
انكومله وما نعتذر

والنعم ولد المدينه
اتسمت ابأسم الصدر

والصدر لايك علينه
ولازم انجيب النصر
االساعدي

[ارجع يازمان]

لا تامن ابدنياك غداره دنياك--والغدرت ال البيت ما تنصح اوياك!
االساعدي

[ارجع يازمان]

احنه بالدمعه انحسدنه
اشلون لو نضحك صدك!!
هالدمع لايك علينه
ومايطيح النه العشك!
االساعدي

[ارجع يازمان]

كان ياماكان ملينه الحجي
وغير مهدينه بعد ما نرتجي

فرهدونه إوكطعوا حتى النفس
والفواتح كثرت وغاب العرس
أأخ ياليل الاجه وباك الشمس!
وباكو المحصول ماخلوا فلس!
احنه جبناهم وخل نشبع بجي
كان ياما كان ملينه الحجي
االساعدي

[ارجع يازمان]

ترى اتراب الحشد
يسوه عطر باريس!
االساعدي

[ارجع يازمان]

صباحات ساعديه

صباح الخير والاحساس
الكم يا أغز الناس
صباح
الورده ما تنجاس
بعيون اليحب تنباس
االساعدي

واحلى ورد لعيونكم وصباحكم اجمل