هنا

[ارجع يازمان]

ما ماتت النخوه وزايد الزود
وبااهل البخت واهل الحميه

ابن ذيقار انته ومنكم الجود
وياهو ايزاود اعله الناصريه!
االساعدي

[ارجع يازمان]

أخ ياليل الوداع اشكد سريع
وأأخ باستعجالك اليركض ركض

وياصباح الاكشر ابناس التضيع
وماكو أطهر منهم ابكل الارض!

ياكمر عالمشرعه الطايح صريع
والشهامه امكطعه ابطول وعرض

وياشباب الجنهم ازهور الربيع
إوللشهاده وركضوا ابهذا الغرض

ويادمع يرهم العبد الله الرضيع!
والدموع الشوفته انفرضت فرض

يااااااحسين الماشره ابدينه ويبيع
والشمر حز ركبته وراح النبض

وهذا ابو السجاد والموقف فضيع
والخيول اتكسر ابجسمه وترض
والخيول اتكسر ابجسمه وترض
االساعدي

[ارجع يازمان]

نكتب شعر
باحله الصور
ونجيب للورده العطر!
قصة هوانه وتنكتب
وبصفها مرسوم الكمر!
االساعدي

[ارجع يازمان]

يل جنت ازامط بيك واهتف واغني--شو باالظهر طعنات منك لفني؟
االساعدي

[ارجع يازمان]

صباح الخير لورود البساتين
صباح العافيه الكل المحبين

شوفتكم فرح وتجيب الافراح
عساكم بالسلامه ياضوه العين
االساعدي

صباح الافراح للجميع

[ارجع يازمان]

ممكن باللجوء اتعوض البيت
وممكن عالبعد كلبك تروضه
وتعوض الراح وتاخذ الصيت
بس فكد الاخو بيمن تعوضه!
االساعدي

[ارجع يازمان]

ويحقلك بعد تلطم عله الراس
يافاكد خويك صب الدموع

ماطاح السبط لوباقي عباس
ياناس الاخو مابين الضلوع
االساعدي

[ارجع يازمان]

الله لا هَناك بيها
عوفها ولتكض اديها

هاي روحي الماتريدك
يابخت دزك عليه!
الله لا هَناك بيها
االساعدي

[ارجع يازمان]

ياهو اليداين ضحك
فضحَني دمعاتي

كضو عليه الدرب
ضَيعت ضحكاتي

رايدلي ضحكة جذب
واكبال شماتي
االساعدي

[ارجع يازمان]

-
رحنه ومانسينه الشوك
بالغربه والك طاري

والضحكه العليك اتلوك
وانه الما طفت ناري!

ياعطر اليصعد السوك
ويخلي الدمع جاري!

مكتوب ابكلب محروك
اسمك هذا باشعاري!
االساعدي