غشيم وما أندل دارك!!
حسين الساعدي
إذا غيري حله ابعينك
الف عالخير ومبارك
بس لا تختفي وينك!
تعال وخلنه نتشارك
وأغني الفرحة اسنينك
وأذب شوباش لأنضارك
روحي وكل دَواوينك
الك وتسمت أشعارك
وحط حنه ابصواوينك
وأطفي ابدمعتي نارك
وأدفن بيني مابينك
كل أسراري وأسرارك!
وأضمن أثر سجينك
واحطهه ابكلبي تذكارك!
ولا أكشف درابينك
واتعنه اويه خطارك
وأسئل عن عناوينك
غشيم وما اندل دارك!
ااالساعدي
أنه حته الهوه اليمي مختنك!
حسين الساعدي
ولك طَفيني ابدمعتك محترك
واليفارك ضحكتك ياويله
أنه حته الهوه اليمي مختنك
بس تعال ابكذلتك هَفيله
أنه بس بأنفاسك أتنفس صدك
يعني اموت ابغيبتك هالليله
وتصفن الدمعات لمن نفترك
مثل صفنت ضايع انهد حيله
كون من انموت موتتنه طَبك
حته ملك الموت ما نشكيله
صرنه سالوفة عشك لاهل العشك
أنه قيس وأنتَ أجمل ليله
اعلان
العنده هيجي كلب
خل يتصل هسه
هذا الرقم منكتب
سته ادعش خمسه
وزواده ويه الكلب
روحي الفلا تنسه
يتعنه هذا الدرب
ياخذهن ابنفسه
االساعدي
بيش أجامل!
بيش أغازل!
مابقت غير الدموع!!
والكلب ينبض قنابل
طاكها ابين الضلوع
ليلي شايل
عقل جاهل
وانطفت كل الشموع!
وما بقت غير الدموع!
حسين الساعدي
التعديل الأخير تم بواسطة ارجع يازمان ; 24/January/2015 الساعة 5:43 pm
أيتها الفلسطينيه!
التي أكاد أن أجزم ب أنكِ عراقيه!
في همساتها السومريه!!
ودعوتكِ
للمبارزه!
س أخسرها أنا وستفوزين بالجائزه
وكيف للأسير أن يتحدى الامير!!
وانا الجريح في الرمق الاخير!
ولن اشارك
في دعوة المعارك
ف أنا المحارب
الذي خسر في كل التجارب!
ااالساعدي
ارسم عرس!
حسين الساعدي
::::رسام وبهذا الرسم
صاحت عليه الصايحه!ارسم حجي
يطلع بجي
والدمعه
تزل
طايحه!!ارسم فرح
يطلع جرح
والفرجه
كلش
رايحه!ارسم عرس
تطلع شمس
وبصفها
تطلع
فاتحه
ااالساعدي
اتمنه الشعر مابي توارد
واتمنه اليتيم ابراحه كاعد
واتمنه
السياسي
اليسرق الناس
لا يجيلي بحجاية مجاهد!
وتمنه
الشهيد اليرفع الكاس!
ماتصفه الهذاك الجان لابد!
واتمنه
الشريفه التبض احساس
شبعانه تضل والخير زايد!
واتمنه
ويرد للدنيا عباس
ويرجع الغيره والله شاهد
ماتلكه ابعراقك هاي الارجاس
وبداعش بعد ما تلكه واحد
قران الوطن واشلون ينداس!
وين المرجله واهل الشدايد!!
مأساتك جبيره وعيب تنقاس!
والشاعر بجه ابهاي القصايد!
يالله وخل نطك الراس بالراس!
ونسويها هوسه ابهل مكاصد
ونحامي وطنه الكطع الانفاس
والحضرة علي نمشي ونعاهد
زجمه وما نطخ الراس ياناس
وهاي احجايه كالوها السواعد
هاي احجايه كالوها السواعد
حسين الساعدي
بيك ضحكه
اترجع العيد القديم!
وبيه دمعه
اتعلم اعيون اليتيم
ويا ضحكتك
صافيه ابعين الغشيم
ويا دمعتي
التايهه والله كريم!
ااالله كريم
حسين الساعدي
هو التهه بالعرس!
حسين الساعدي
:::
والليل خَلص سهر
ويانه بأخر درس
وتعاهدينه اشكثر
ونضحي لاخر نفس
بين الضحك والشعر
طلعت علينه الشمس
أنه الرحت للكَبر
وهو التهى بالعرس!
ااالساعدي
تمنيات حسين الساعدي!
::::::
اتمنه الشعر مابي توارد
واتمنه اليتيم ابراحه كاعد
واتمنه
السياسي
اليسرق الناس
لا يجيلي بحجاية مجاهد!
وتمنه
الشهيد اليرفع الكاس!
ماتصفه الهذاك الجان لابد!
واتمنه
الشريفه التبض احساس
شبعانه تضل والخير زايد!
واتمنه
ويرد للدنيا عباس
ويرجع الغيره والله شاهد
ماتلكه ابعراقك هاي الارجاس
وبداعش بعد ما تلكه واحد
بيرغ يا وطن واشلون تنداس!
وين المرجله واهل الشدايد!!
مأساتك جبيره وعيب تنقاس!
والشاعر بجه ابهاي القصايد!
يالله وخل نطك الراس بالراس!
ونسويها هوسه ابهل مكاصد
ونحامي وطنه الكطع الانفاس
والحضرة علي نمشي ونعاهد
زجمه وما نطخ الراس ياناس
وهاي احجايه كالوها السواعد
هاي احجايه كالوها السواعد
ااالساعدي
