جَلبك بالثنيه لا تهده!
!!
وبنادم ميخسر لا تهده
وياسور الموده لا تهده
وجلبك بالثنيه لا تهده
وبعضاته تتلكه الاذيه!
حسين االساعدي
جَلبك بالثنيه لا تهده!
!!
وبنادم ميخسر لا تهده
وياسور الموده لا تهده
وجلبك بالثنيه لا تهده
وبعضاته تتلكه الاذيه!
حسين االساعدي
زمانك لو يحيرك اخذ خِيره
تراه اللي استشار ايشوف خيره
ما زال النفس بالجود خَيره
إذنً لتهاب كلشي ابصافي نيه
ااالساعدي
_________________________
اهواي ابيوم عازه ماتراهم
وطبعك وي طبعهم ما تراهَم!
إذا تنصف اخوتك ماترى هَم
وميعوفك لو ويه المنيه
ااالساعدي
______________________
طيب وانته طيب ونتراهم
وأنه راهم ابطيبي وانته راهم
والطيبين راحو وِن تراهم؟
غدو ياحسرتي تحت الوطيه
ااالساعدي
______________________
عينك تحب لاحبابك تراهم
وكلبك ويه وناتك تراهم
وياغدر التأمنهم ترا هَم
هَم ما ينتهي اليوم المنيه
االساعدي
______________________
اذا مابيك مرو انته مرهم
ولجرح اليمرهم انته مرهم
واذا للطيبه عافو انته مرهم
تأمرهم عله الطيبه سويه
االساعدي
_______________________
تكتر عيش دنياتك بلاهم
عسه وتخلص وميلوحك بلاهم
وماكو انسان بلدنيا بلا هَم
اشما اتحاذر تلاكيك الأذيه
االساعدي
______________________
ولو لو يون كلبك ونته منهم
اخوتك ذول اخوتك وانته منهم
ولو منو ابحبهم وانته منهم
ابحليب الوالده الضكتوه سويه
ااالساعدي
________________________
بكيت اتسولف الوحدك تهمهم
واخوتهم مهما تجهلهم تهم هُم
هم اتهم عله روحك و تهم هم
عله اخوانك اشما راووك أذيه
ااالساعدي
_____________________
اليحبك بيك يهتم وانته همه
لان شافاك نخوه وانته همه
أنه وهاي ناسك وانته همه
ما ننسه الوفي وراعي الحميه
ااالساعدي
_________________________
عله الطيبيين صار اليوم همنه
وكتبنه اشعار بلاشعار همنه
ومهمومين محد عرف همنه
صفت كلمن يكول أنه اشعليه!
ااالساعدي
صدك وتروح ويه الغير وبيك ايحير تفكيري!
صدك وصوَره تحلالك وتشمر كل تصاويري!
ما صدك حبيبي ابهاي!
ياعمري المضه والجاي
ياكلمة حبيبي اشلون صارت تنحجي الغيري!
حسين الساعدي
مروو بينه!!
حسين الساعدي
+++++++++++++
مرو بينه الليل وحشه وحلوه جيتكم علينه
ياحزنه المن بعدكم لا نسانه إولا نسينه
مرو بينه
الخاطر ادروب المدينه
التكسر الخاطر حزينه
الخاطر الروح الحنينه
وكلب ما بطل ونينه
الخاطر الله والله ما ينسه اليجينه!
مررررررررو بينه
مرو لا شامتنه يسمع هاكثر غبتوا علينه
لا يشوف ابعيني دمعه فالته وجانت رزينه!
مرررررو بينه
الخاطر الما تغفه عينه
إوصدك ابكلمة هوينه!
الخاطر احجايه حجينه!
إوبلعيون اتكاشفينه!
الخاطر الله والله ما ينسه اليجينه!
مرووووووو بينه
مرو هاي الروح جزره وانتو جيتكم سفينه
وتنطر اطيور النوارس والنوارس ما تجينه!
مروووووو بينه
الخاطر الشركه الحزينه
البلدموع اتشاركينه
الخاطر البسمه الأمينه
ماتت ابيوم انتهينه
الخاطر الله والله ما ينسه اليجينه!
مرووووووو بينه
ااالساعدي
ياهو اليكله اعيوني مشتاكه
هاجر حبيبي وطول افراكه
دورت ما خليت
وبكل درب مريت
ما ادري وين اشوكت نتلاكه!
ياهو اليكله اعيوني مشتاكه
حسين الساعدي
_اجلبنك يليلي والكلب وياي
مايرضه ينام ومبتلي ابلواي
مجروح ابدليلي وضيعيت الراي
عذبني الكلب واهوايه تعذيبه
واجلبنك يليلي 12 تجليبه
االساعدي
التعديل الأخير تم بواسطة ارجع يازمان ; 5/March/2015 الساعة 5:43 am
-
طبعك علماني ابهجرك اشلون
خلاني ابتعد واهجر واعوفك!
يل ماهمتك دمعات العيون
مجبور ابتعد ماريد أشوفك!
االساعدي
ما ضاوي ابكمرنه لاله منه
بالظلمه وتضوي لاله منه
وأدليه ويكلي لاله منه!
وياخذني الدرب كلش أذيه
حسين الساعدي
اهداء للزهراءع
أم الحسن وحسين هاي الزجيه
صارت لابو الحسنين اجمل هديه
االساعدي
عندما يكون اللائمون في مكاني
س أستمع لنصائحهم!
ولكنهم عندها س يصمتون!!
