بعد ميهمني كلشي
حسين الساعدي
::::
اذا ما اوكع ابهاي
بعد ميهمني كلشي!
جرحك خله يهواي
دمعه ابهذا رمشي
صحيح الطعنه صعبه --وانه ابديره غربه
لكن كاعي وياي
وانه ابراحتي امشي
بعد ميهمني كلشي!
:::::
طبع االذيب وياك
وبصورة حمامه
ياوسفه التعب ذاك
ضايع يا ندامه
غدرك صعبه وانساه--ضايع عمري وياه
لتصبين بهداي
يادمعاتي رشي
بعد ميهمني كلشي!
ااالساعدي
كُلَ يوماً بقناع!!
حسين الساعدي
:::::
جائني جرحاً بليغاً بدهاليز الخداع
ولهذا سوفَ أرحَل للأسَف دونَ وداع
هذهِ الدُنيا الحقيره!
فيها مأساتٌ كبيره
هكذا فينا وجوهاً كُل َيوماً بقناع!!
ولِهذا سَوفَ أرحل لِلاسف دونَ وداع
::::::::
ولماذا نَتَهاوى في رضاء اَلمستَجير
طالما اَحرار كُنا فَليكُن اَسوء مَصير
هكذا صدق المشاعر
في مدارات الظمائر
لمجارات التجامل لن يكونَ الأنصياع
هكذا فينا وجوهاً كل يوما بقناع!!
ولِهذا سَوفَ أرحل لِلاسف دونَ وداع
:::::::::
وكَفيفاً جاءَ يطلب ضوءَ من ليل السنين
هكذا سلمتُ قلبي بهوى الزير العين!!
وسذاجاتِ البريئه
وحماقاتٌ جريئه!!
وجرى كُل التمني لِمَتاهات الضياع!
هكذا فينا وجوهاً كل يوما بقناع!!
ولِهذا سَوفَ أرحل لِلاَسف دونَ وداع
حسين الساعدي
ومحضر الملكاك كلشي وكلاشي--حته الدرب يفلان طبكته كاشي
االساعدي
التعديل الأخير تم بواسطة ارجع يازمان ; 27/April/2016 الساعة 6:26 am
يادمعك عله المعلول
وشل
وردانك صفه المبلول
والشال
باجر يلحك المشيول
والشال
يمه و يندفن تحت الوطيه
ااالساعدي
والطيبه العلينه جاهي بينه
ماضمتها ظلمه جا هي بينه
مو ياهو التشيخ جاهبينه
والشيخ الصدك ينبض حميه
االساعدي
ربما سنصطنع الابتسامة ذات يوم!-ربما نستخرج دمعة لمجاملة الهموم!- ربما نصمد! ربما نذوب!! ولكننا لا نستطيع اصطناع نبظات االقلوب!! اللساعدي
-
غلطان ابحساباتك وعَدك
مافكر يجيك وعاف وعدك
تارك طعنته ابكلبك وعدك
هاي الطعنه وليوم المنيه
ااالساعدي
والله عجبه!
والله صعبه!
وهذا من سابع محال
جنت تتحصر أشوفك
هسه ما تسأل سؤال!
وهاكثر
صاير تغيب!!
لا يهمك يالحبيب
كلشي بالقسمه ونصيب
كولها
وانسه الدلال
وهذا من سابع محال!
كولي والمن تستحين!!
حسين الساعدي
::::::::
كولي
والمن تستحين
كولي
لمن ما تجين
كلشي بالقسمه حبيبي
وانتهى اوياك الخنين!
‘‘‘‘‘‘‘‘‘‘
كولي
هسه
وما أظن اتصير اليه
بلكت
انسه
وشكتبت ابهاي اديه
وامسح احروفك حبيبي
والتهي ابحضي ونصيبي
وشبقه
ابهاي السنين!
كولي والمن تستحين!
‘‘‘‘‘‘‘‘‘‘‘‘
صارحيني
وهسه عوفي المستحه
عَلميني
ابهل احجايه الجارحه
عادي وبهاي الشمس
فاتحه ابصف العرس
ياقسمتج
هسه وين!
كولي والمن تستحين
ااالساعدي
فدوه دليني عليه
ضايع ابيوم الوداع
هلبت ادليني بيه
والدرب بعيوني ضاع
كونك اتفكر ابجيه
حاول اتذب القناع
جانت اعيونك نقيه
وهسه مليانه خداع
والذيابه ابهل مسيه
وعاينت بيها الضباع
عينك الجانت اليه
صارت الغيري دفاع!
ونتهيت وهاي هيه
قسمتي اوياك الضياع
هلبت وضلت بقيه
مني ما طمتها كاع!
ونتهيت وهاي هيه
االساعدي
