هنا

[ارجع يازمان]

ماالك عنوان ثابت يلحبيب
وانه متوفر الك عنواني


اني ما الكاك لو رايد تغيب
وانته يمته ماتحب تلكاني!
؟؟؟؟؟؟
ااالساعدي

[فقار الكرخي]

عاشت ايدك عالموضوع
بس اني اشوف لو تسويلك مدونه وتنشر بيهه
اشعار الساعدي احسن الك
فمواضيع هذا القسم هي مواضيع
تعتمد على الردود
وتوجد اعلى الصفحه مواضيع تفاعليه
أن شئت
تحياتي الك وردة

[ارجع يازمان]

عاشت ايدك عالموضوع
بس اني اشوف لو تسويلك مدونه وتنشر بيهه
اشعار الساعدي احسن الك
فمواضيع هذا القسم هي مواضيع
تعتمد على الردود
وتوجد اعلى الصفحه مواضيع تفاعليه
أن شئت
تحياتي الك وردة

شكرا لحضوركم الاروع اخي فقار
وعادي لومافي ردود والموضوع شامل لكتابات الساعدي
واجمعها من الكوكل وطبعا هي كثيره جدا ولو ابقى سنه كل يوم اخلي مواضيع بهل موضوع ما راح تخلص
وكنت انشر القصيده بموضوع منفصل اضافه الى تدوينها بهذا الموضوع الشامل!
ولكن الاداره رفضت وفضلت ان لا يكون تكرار
ومثل ما طلبت الاداره بقينا ننشر
للعلم هناك عشرات المنتديات مثبتين هكذا مواضيع!!
وتستطيع ان تطالبني بالدليل!!
تحياتي لروعتك

[مريم الحبيبه]

[مريم الحبيبه]

بغداد ودمعتها ابخدي!!

حسين الساعدي
::
:
‘
ياهو العنده اهموم ابكدي!
بغداد ودمعتهه ابخدي

:
ابن المسؤل
إمأمنينه
وأبن المسكين
امضحينه!
والداعش يذبح متحدي!
والضابط يغدر بالجندي!
:
وينك وينك
يامهدينه
جارت هاي
الناس اعلينه!
والمنصب لحسابه ايودي!
بفلوسك يا شعب المهدي!
:
باعونا
ودمنه امرخصينه
غدرونا
وما رحموا بينه!
لا عُربي الوفه إولا كردي
ياهو العنده اهموم ابكدي!
ااالساعدي‬

[ارجع يازمان]

دارمي
.
بيني محمد حنظل وبين الشاعر حسين الساعدي.انا.....
ياطعنــــــة الغمــــان كلش ثكيـــــــله
تطحــــــــــن بكايه الروح وتهدله حيله
.
رد .حسين الساعدي....
طعنة اغـــــــم وتهون لاتحسبـــــــــــلهه
بس طــــــعنة الخوان هــــاي اشيحلهه
.
انا
يبن الســــــــواعد كول حلٌــــــــي القضيه
هم شفت شامت زيــــن صاحب رجيه
...
رد حسين الساعدي
احيانا" الشــــمات هم تنصف اويـــــــــــاك
كـــــون الخوه ابلواك مــــــــــر اوتعــــــــداك
.
انا
اصبــــع شبع عضــــــات والجف دميــــــــته
متنــــــــــدم اعلــــــــــه الراح والقدميــــــته
..
رد حسين الساعدي
اي حــــــــــقك انتـــــــه ابهاي عالناكــــر الطيب
جبتــــــــه حمــــامه اويـــــاك تالي انكــــاب ذيب

[ارجع يازمان]

هاي الدنيا دواره!
حسين الساعدي
:::::


اجه غيرك اجه غيرك
وشكك كل تصاويرك!


كلتلك شوفلك جاره
هاي الدنيه دواره


وبعد ميفيد تدبيرك
دنيا وصارت الغيرك!
حسين الساعدي

[ارجع يازمان]

ماحداهم!
ابوذيات حسين الساعدي
::::
واحد عله الثاني ما حدا هم
والشاركته هَمه ما حدا هَم!
كون الحادي يدري ما حداهم
راح وظلم الدنيا عليه
االساعدي

[ارجع يازمان]

كالو تحبه ؟
كلت
هو الكلب والروح

كالو نسيته ؟
كلت
هذا الكلب مجروح
،،،،،،،
ربيت
لاجله جرح
يتريك
إمن الصبح
ضيم اونيين ونوح
،،
كالولي
كلش وكح
جرحك
ولا ينصلح
أذانه
وشكد يلح
جرحك صدك مفضوح!
،،،،،،،
جرحي
الفلا ينشرح
لوما
أرشه ابملح
يتمرجح
اعله السطح
مثل الطفل مذبوح!،
،،،،،،،
كتلهم
اللي يحب
مرفوع
عنه العتب
والجرح
ويه الكلب
راد الحبيبه ايروح!
راد الحبيبه ايروح
حسين الساعدي

[ارجع يازمان]

مساجله
مدري اشبيها؟
::::::؛؛؛؛؛؛؛؛؛؛؛؛؛؛؛؛؛؛؛؛؛؛ ؛


مدري اشبيها اعيوني اليوم؟
زعلانه ومتريد النوم

ودموع اشتاكت لخبارك؟
ياعينِ المحتامه الدارك

وتفزز كلبي الملجوم
ومدري اشبيها ؟؟؟
ااالساعدي

.................:..........


ياويل اعيونك ياويلك
يادمعات التكفي ابليلك
تشكيلي ابهمك وَشكيلك
والوادم متكف اللوم
مدري اشبيها؟‬
مريم

‫..................................

ياروحي وصبن دمعاتي
بالصدفه وشوفة شماتي
وهم شمات
وهم دمعات
ولتَمن كل المأسات
هليله اتغث المهموم
مدري اشبيها؟‬
ااالساعدي

‫............................

يحسين وعينك معذوره
رادت من أحبابك صوره

ياصوره
ولا دكت باب
عينك
وتريد الاحباب

وضلت عالغياب اتحوم
مدري اشبيها؟
مريم‬

...........................

يامريم لو شفت اعيونج
أنسه الأه وأنسه النوح

محتار وما أدري اشلونج
والحيره ابكلبي المجروح

وشحال اعيوني السهرانه
هاليله وماشفتج أنه!!

هاي عيوني امضيعه النوم
مدري اشبيها؟‬
ااالساعدي