سوالفنه القديمه
الشاعر حسين الساعدي
سوالفنه القديمه
الشاعر حسين الساعدي
اذا ميه اليحبونك!!
الشاعر حسين الساعدي
مساجله مع العملاق حسين الساعدي -كلفه
ااالساعدي
كلفه وتكول اتهون ما هانت اوياي
جلبن بيه اهموم صارلهن اهواي
--------------------------
مريم حسين
كلفه واتاني الطيف بس ما اجاني
حيف والف ياحيف يمكن نساني
---------------------------
ااالساعدي
كلفه وتكول اتهون ما هانت اشلون؟
صعبه الدموع اتطيح يم اليكرهون
------------------------
مريم حسين
كلفه واكولن راح حسبالي وفاي
عاينته يوم العوز ماشفته وياي
-------------------------------
ااالساعدي
كلفه وطحت مكسور بين الشماته
والمثلي من ايفوت كون ابرهاته
------------------------
مريم
كلفه واكول اتهون هاي المصيبه
والغايب امن العين وشلون اجيبه
---------------------
ااالساعدي
كلفه وكلت بالريش وبصف العظام
لكنها ضربة موت وبهاي الايام
-------------------------------
مريم
كلفه الدموع اطيح ومفارك احباب
والكلفه راح اتزيد وبديرة اجناب
-------------------------
ااالساعدي
كلفه وجبيره اتصير عد الاجاويد
ما تنسي وللموت يامدت الايد
-------------------------------
مريم
كلفه ويجيني العيد ما شفتك اوياي
حسبالي باول يوم تتعنه عناي
------------------------١
ااالساعدي
كلفه ويطيح الجان يمشي ابرهاته
والمن يدير العين كلهم شماته
----------------------
مريم
كلفه ونسيت ابساع كل الليالي
رخصت حته الروح لجلك يغالي
--------------------------
ااالساعدي
كلفه الشحيحه اتصير عد المعازيب
والنعجه هذا اليوم تتغده بالذيب!
التعديل الأخير تم بواسطة مريم الحبيبه ; 11/February/2015 الساعة 11:07 pm
وأنه الحر الما أتلوك
وشما تتكبر ما اشوفك
وانته ابمالاتي وتتسوك
ما جايبها ابهاي اجفوفك
حسبالك يمك تتشوك
فرحانه الفقره ابمعروفك!
دسمعها وياريتك تعرك
وياريت التغليس ايعوفك
لوما بالاعلام امطوك
ماوصلولك ذوله اضيوفك!
ما مرولك ذوله اضيوفك!
حسين االساعدي
الكلمات مشاعر!!
نابعة من الَضَمائر!
فيها جبر الخواطر
وفيها طعنات الخناجر !!
لن تعود عندما تغادر!!
ف احرص على مشاعر الاخرين
قبل ان تهاجر!!ا
حسين الساعدي
سايمين الله عليك!
حسين الساعدي
//////
لا يعيد
العب بعيد!
احنه لعبتنه المخاطر
شككت حته الجديد!
أحنه ما بين المقابر
وبمراجيح
المشاعر
بين الاروح التحبنه
هلبت انجبرالخواطر
وهلبت الهلبت تفيد!
لا يعيد
العب بعيد!
‘‘
ياجرح طاغي ابزمانه
وانته وانه
والجرح يندل مكانه!
ابكل أمانه
غير جرحك ما اجانه
وكافي تتعده ابهوانه!
سايمين الله عليك
لا تجينه ولا نجيك!
ياجرحنا!!
ليل ومضَيع شمسنا!!
وجادر ايلملم عرسنا!!!
رايد ايكمل درسنه
والطبع كلش عنيد!!
والله جيتك
ما نريد!
لا يعيد
العب بعيد
‘‘
ليش اجيت
الدار مليانه يتامه!
وياما ياما
دورولك
مالكو كل ابتسامه!
احنه ويه الموت
نلعب
ما تلوك النه السلامه!
،
الموت خليناه بسمنه وبالعراق امسجلينه!
وحنه المأجرين عنده والدفع تازه إوبدينه!
والثمن غالي علينه
روحنه الكلش حنينه
ما بخلنه وما حجينه
وزَيد الايجار بينه!
وأحنه ننطي اشما يزيد!
ندفع وفاير دفعنه
وبالذبح حته الوريد!
لا يعيد
العب بعيد‘‘
وِترك اولاياتنه اليوم القيامه
وماجبت غير الندامه!
دَور اولايات حلوه
الموت بالصدفه يمرهم!
واليموت ايصير سالوفة عمرهم
روح سرهم!
خل يسوولك نشيد
وخل يسمونك سعيد‘
وعالعراق
العب بعيد
العب بعيد
ااالساعدي
ياجرح طاغي ابزمانه
وانته وانه
والجرح يندل مكانه!
ابكل أمانه
غير جرحك ما اجانه
وكافي تتعده ابهوانه!
سايمين الله عليك
لا تجينه ولا نجيك!
الله عليك كلمات وأحاسيس رائعه تدمع لها القلوب
عاشت الايادي ارجع يا زمان
امك سلامه وخير وبكل عمرها
لا تطرد إمنالبيت جنه ابكبرها
حسين الساعدي
وتصادفن هاليوم زفه ومصيبه-والدمعه للمفقود لو للحبيبه؟
محبوبك العافاك يمشي ابرهاته--بالزفه يركص صار ركصه اشحلاته
هالدمعه تنصب كون مو بالتمنى--زرفت فص العين وخرها مني
يمكن غصب مجبور وتخله عنك--وتدور الاسباب تلكاها منك؟
من مساجلة الزفه
ااالساعدي
أبوذيات حسين الساعدي
:::
عافوني وعَلي كالوا يرب بي
وأنه اكليبي بجروحه يربي
كون الحاله ما تصفه يربي!
المن هالامانه الهسه بيه!
االساعدي
