هنا

[ارجع يازمان]

ورده
وكطعني الهوه
وذباني بكروبك

وانته التريد الدوه
ومتاني محبوبه

خلينه نسهر سوه
وتزيد اذنوبك!

وياك اصيرن ضوه
وما افارك ادروبك

[ارجع يازمان]

يازين ويذكرك مره مره
انه الكطع بيه مره مره-
يادنيا ابطعمها مره مره
ما تحله ابغياب الصد عليه!
االساعدي

[ارجع يازمان]

مو مشكله
نتفارك ابهذا الدرب والضايع ايرد الهله
وانته ابضحكتك يامحب وانه اويه روح امعلعله!
مو مشكله!
االساعدي

[ارجع يازمان]

لغز
والمرهوب اجه ودارت معلباه
إويا عرناس تتشلبه مع الباه!!
يانجدي الصفت لحمه معلباه!
وبراي العرندس والمنيه!
االساعدي

[ارجع يازمان]

عندي ورده حلوه
ورايد اهديها
بس للتستحقها اليوم اوديها!
يا عالم احبها ومنشده بيها
وما اكول الاسم
ما اكدر احجيها!
االساعدي

[ارجع يازمان]

والكلمه الصفت صنعه//وحرفه
والشاعر ضوه ابخطه //وحرفه
والصح ما أبدلنه// وحرفه
ما جاملت يوم ابهل قضيه
حسين الساعدي

[ارجع يازمان]

-
ياباقر علم واعلوم جمله
ويفيد البشر لوكال جمله
هذا الطاهر المعصوم جمله
واهتفله الصبح وبكل مسيه
االساعدي
وعظم الله اجورنا واجوركم

[ارجع يازمان]

لا تامن ابهل ناس يفلان اوصيك
والطعنه توجع حيل للمنك وبيك!
االساعدي

[ارجع يازمان]

واتعجب ابهل زاد تتهنه ويفوت
وابن امك امن الجوع يتعنه للموت
االساعدي

[ارجع يازمان]

صدر وعجز موزون وبهل رتابه
ويانه وبكل يوم تحله الكتابه
االساعدي