هنا

[ابابيل]

سأكتب هنا مشاعري على شكل خواطر اقيدها بالزمن
ببساطة وصدق ما امكنني ذلك
وبعيدا عن نمق اللغة و التصحيح والترقيع
ستكون هنا
احزان احلام انفاس وغبار
كلها من وحي الخيال لا تتوجه لاحد معين
والايام هي من ستقرر كيف ستكون ملامحها ومزاجها
ولأني انشرها هنا فهي لم تعد لي انما هي لكم يا اصدقاء
متاحة كحديقة مرة وكغابة مرة
تعتمد على مرور غيومكم عليها من رذاذ الاخوة
ان ازهرت هي لكم وان جفت ندعها كأطلالة ترتاح بسلام
............
يلله نتوكل على الله
بتاريخ 20- كانون الثاني -2015 نفتتح هذه المدونة

[ابابيل]

بحثت عنك بين حشود النساء جميعا
بين ضحكاتهن ودموعهن اعترافاتهن وسخريتهن
بحثت عنك فيهن و هن في افضل حال واسوء حال
بحثت كثيرا
حتى اعتقد من يعرفني بأني عاشق يعشق بالسر
و يلتقي حبيبته بالسر ويحتفظ بمكان ما بصندوق غامض يخفي فيه سرا كبيرا
بحثت ولو كنت موجودة لعثرت ِ انت علي
قبل ان اجدك
لأنه من السهل على الانسان ان يتعرف على نفسه
و ربما
ربما في زمن اخر ستمسكين القلم وانت في لحظة يأس لتكتبين بالضبط ما كتبته
وستشعرين بما اشعر به الان
وبما انك سوف لن تسامحيني لعدم عثوري عليك
فانني الان ايضا لا اسامحك
لعدم وجودك

[ابابيل]

احيانا
يكون الحب الزائد لعنة
وحسن الظن بمن حولك ايضا
لعنة تضحك عليك وتذكرك بحجم سذاجتك
وكيف انك خرجت الى غابة بلا رمح
خرجت فقط
وانت تحمل خارطة قديمة مؤشر عليها كنز اسمه الحب

[ابابيل]

حين تأتين كعيد اول و اخير
اتجاهلك
اتجاهلك باستمرار
وما زلت تصدقين هذه الكذبة
استعمل الحيلة ذاتها الف مرة وما زالت تنجح معك الف مرة
هل يعقل ان تخفى الشمس باصابع اليدين لهذه الدرجة
وان لا ترين مدينة شاهقة معلق على كل ابوابها اسمك
واطفالها تغني بأسمك وكل من فيها ينادي عليك
ورغم ذلك
ورغم كل شيء تعودين حزينة وحائرة وفي عينيك الغالية سحب ممتلئة
تعودين وخلفك تسير على مد البصر قوافل احلامي
ما اتعسني
و ما اتعس الحب حين يأتي على عربة الكبرياء
يمر في حضور كل الناس ولا احد يراه

[ملاك الاحساس]

الف مبرووك افتتاح مدونتك
بانتظار كل ماهو جميل مما يجود به قلمك
بالتوفيق

[ابابيل]

اهلا بالملاك جالب السعد وسهلا بسيدة الاحساس وهنيئا لصفحاتي بك شكرا للمرور الكريم

[ابابيل]

لا فائدة من القفز من نجمة الى نجمة ومطاردة فراشة من عطر
ومن ثم السقوط على اسفلت الواقع
انضج وقل لنيرون انك على حق فربما روما كانت بحاجة الى ضفائر جديدة
فمن يعلم كم جريمة ارتكبت بختم الفضيلة
وكم ملاك شنق بتهمة الدنس
عزيزي القلم
متى سترحم الاوراق من سيل نزيفك
وتتوقف من النفخ بفم الكلمات
وانت تعلم ان العشب يابس وعود ثقاب واحد ويختفي كل شيء
ارح ظهرك على سرير النسيان
و ابدأ بالعد الى المئة
ونام
الى الابد

[ابابيل]

استراحة :
اول دخولي للنت ودخولي للمنتديات سجلت بمنتدى خليجي اعتقد كويتي
قريت المواضيع ما شاء الله كلها خمس نجوم البحتري والفراهيدي وانشتاين والخنساء مو مثلهم
وكل واحد ينشر خير من الله المشاركات
كلت اني وين اكيش وياهم وشلون يلحكون يكتبون كل هاي المواضيع
ما جنت اعرف بأن كل المواضيع منقوله لان محد كاتب منقول المهم ضليت بس اقره
نشرولي ترحيب لان جنت اكتف نزلت كليشه مو طبيعية من الشكر والعبارات الرنانة ساعة كاملة ارتب بيها
لحد هنا الامور طبيعية
لاحظت انو اسلوب الموضوع يختلف عن الرد والينشر مو شرط يتابع موضوعه
وهي الردود كلها من نوع يسلمووووووووووووووو واطلع كبل
بديت انزل ردود .... شو اباوع ماكو اي رد اليه
كتبت غيره وثاني وثالث ونفس الشي
رحت لغير موضوع ولغير قسم وهم نفس الشي اي شي اكتبها ينحذف
كلت شنو الجماعة عايفين المنتدى وكاعدين يمي بس يحذفون كتاباتي
كلت اليوم اخليهم ميلحكون يمسحون راح اتوبهم
نسخت نص ورحت على المواضيع ولصق ولصق ولصق
ونفس الشي ذوله شكد سريعين بالحذف
نشرت موضوع مستقل بالشكاوي كتبت رسالة خاص للمدير رحت لخانة اتصل بنا وعن طريق الايميل مليتهم شكاوي
ضجت كلت ذوله شنو ما عاجبهم حجينه شلون يردوني احتل الخليج كله وحتى اسيا
طلعت وكلت اروح اتعلم اختراق المنتديات والعب بيهم طوبة
ثاني يوم سجلت دخول وكلت اعيد نشر كليشة النسخ واللصق واضوجهم واطلع
لكيت رسالة خاصة من عضو يمكن اسمه شموخ الكويت المهم اسم بي الكويت
كاتبلي بيها : يـبه شسويت بينه هداك الله كل موضوع ناشر بيه اكثر من30 رد وكاتب شكوى بعد
كتبتله حجي يا ردود و انتم تحذفون كل رد اليه
وبعد شكم رسالة دزلي روابط للمشاركات وصدك شفت مشاركاتي حاركه الدنيا
ضليت التفت يمنه ويسره خاف واحد يمي كاعد وبديت ازغر ازغر الا ان صرت جوه الحاسبة
طلع الموضوع بي اكثر من صفحة والردود تروح للصفحة الاخيرة والمنتدى ميحولك اوتوماتك حتى تشوف ردك

ما تسوه القاط الاسود والسيارة الحمرة الواكف يمها بصورتي الرمزية
ما تسوه عبارات الحب الكتبتها مثل سأجعل النجوم عقدا لكي والغيوم وشاح لكي
المهم لميت الغراض حطيتهم بالجنطة وليومك ما طبيت لهذا المنتدى
.....
اليوم الحكمة شنو من القصة
احسن الظن بالاخرين قبل ان تتسرع في احتلال الدول

[ابابيل]

لا اتوب
كلما غادرته بغضب
و عصفت بالباب خلفي بقوة
واقرر الهجر بلا رجعة بلا نقاش بلا ندم
اعود اليه
لا يستحق كلمة واحدة
ولا وردة ولا حسرة
واعود ...
لمن اشعرته بزهو الامارة واشعرني بالاهانة
جعلته يحب نفسه اكثر واكثر
جعلني اكرهها لضعفها
امقتها لقلة حيلتها
المسكينة التي كان جناحها المشرق والمغرب
تدور الان في عنق زجاجة
يا روحي المترنحة استفيقي لاسمعك ندائي الاخير
لن امد لك يدا بعد الان
ان لم ترفعي رأسك من الطين واتعرف عليك
ان لم ارى في عينيك نار كبريائي القديمة

[ابابيل]

قصة الجزيرة الغامضة
رحت وي اهلي سفرة لمنطقة ريفية كلش حلوة يصيرون اقارب من بعيد(ابن عم ابن خالة ابن جيران ابن ...الخ)
بما اني جاي من المريخ خليت ايدي بجيوبي وبقيت اباوع على المناظر من شجر وتنور وانهار زغيره وسياج من سعف
اطفالهم طيبين ويردون على اي سؤال ويمشون ويانه
سلموا علينا اهلهم مثل سلام فلم الرسالة اهلا يا اخ العرب ومحاضن
باوعت على الجي بي اس مالتي كلت زين احنه بالعراق بس الجماعة منين بس لا تطلع الكاميره الخفية


بلوني بلوه الاطفال وين ما اروح حجولي قصة عجيبه
هذا البيت تشوفه المهدوم بي حيه تحرسه
حيوان مثل الذيب وراسه يشبه البشر
كتلهم شبيه كالو هذا يبوك الاطفال الزغار باليل
كتلهم حبايبي هاي الحيوانات جذب مموجودة ليضحكون عليكم
انتو شفتوه بالتلفزيون كالو لا كتلهم لعد جذب لتصدكون بأي شي
كالو لا موجود باك طفل بيت ال فلان وبيت ال فلان وال وال
كتلهم هاي هيه براحتكم موجود


لاحضت اكو بنية تباوع من بعيد وتختفي وكل شويه بيدها شي
سألت رفاقي الزغار هاي منو البنية كالو هاي اختنه الجبيرة
كتلهم شمخلصه كالو مخلصه التمر كتلهم شتدرس هسه يعني بيا صف يا مدرسة
كالو مبطله بس احنه بالمدرسة وضلو يحجون عن مدارسهم صحت بيهم
حبي حرفوش وانت حنبوش وانت بربوش ما اريد اسمع قصص خوش حبايبي
عفتهم ورحت باتجاه البيت اجو وراي كتلهم اكو محل يبيع حلويات كالو اي
هاكم هاي فلوس روح اشترو كالو ما ناخذ فلوس واحد منهم بس مد ايده حصله راشدي من اخوه
لكيت البنية بيدها صينية وبيها يمكن عدس كتلها اكدر اسولف وياج عافتني وراحت
لكيتها بغير مكان حجيت وياها هم عافتني كتلها مو احنه خطاركم ليش هيج متردون علينه الكلام
كالت انت غريب ميصير احجي وياك كتلها غريب ؟؟ عافتني وراحت صحت وراها
كتلها لعد ذوله اخوانج ليش ميكولون غريب من الصبح ليهسه صاعدين فوك ضهري
ضحكت وراحت .. كلت للجهال اكو هنا شيخ يصدر قوانين ما افتهمو شي وكالو عدنه شيخ ال فلان
وبدت القصص
صار المغرب دلونه بمكان خاص للصلاه كله صور والمي بارد
صبوا العشه اني ما اشتهي بس اللبن كلش طيب والخبز والتمر من نوع كبار
وره شويه بدوا يتثاوبون كلت للاهلي خلي نكلهم نريد نام حتى يرتاحون محد سمع كلامي
صحت اني اليوم تعبان تعذروني كالو هسه نجيب فراش تدلل وين فلان تعال نزل الفراش
طلعوا من يمنه وسويت نفسي نايم
وره شويه صارت هوسه بالبيت وصياح وفتحوا الباب وكالو اسفين بس بتنه تخربطت
اهليي كالو وهسه شلونها كالو بعدها متخربطه
روح شوفها صاح الوالد كتلو منو كال انت مو مسوي نفسك علينه طبيب
(دخلت دورة مال اسعافات اولية عينوني بالبيت طبيب)
رحت وياهم لكيتها البنية نفسها خايفة حيل وتباوع وراي وتكول هذا هو واكف وراك
التفت ماكو احد كتلها منو
ابوها اخذني على صفحة وكال فلان شي و ما افتهمت شي
كلت لاهلي شنو الموضوع كالو يعني يقصد احتمال بيها مس من الجن
كتلهم لعد اني اترخص
اني ويه البشر ما مدبرها هالنوب جن
اخويه ضل يضحك وكال يلله الطبيب
هدأت البنية شويه ومن رحت اريد ارجع كمشت بيها وصاحت هذا متشوفه
اريد اخلص نفسي من عدها ماكو شنو تلعبين حديد عوفيني يمعودة
كلت بكلبي شلون قسمة سودة النهار كله اريدها تحجي وياي ماكو
هسه صارت جريئة من صارت السالفة بيها جن
ليلة مو سهلة تنسي بعد ما رجعنه للاستقبال كتلهم هسه ترجعوني
كالو وين نروح بهل الليل عيب عليك كتلهم هسه ترجع الحالة بس يروح مفعول المهدئ
...........
ماكو عبرة بس معلومة
هاي الحالة تصير من ارتفاع نسبة السموم بالدم حتى المواد الطبيعة بالجسم اذا ارتفعت عن المعدل الطبيعي تصير سموم
بحالات الاجهاد والارق المستمر خصوصا الغير معتاد عليه الشخص(المفاجئة)
وتسبب هلوسة وطبعا الهلوسة تعتمد على ثقافة الشخص
....
مصدر المعلومة من دورة الاسعافات الاولية