أنا وانتَه شﮔد فرق بين أنا وانتَه
انا من أخطف اسلم وانتَ سكته
انا حبي وياه سراب شكد غشيم وما عرفته
جنت احسك دفو ليه لو وكتنه ويانه شتّه
انا كلبي وياك صافي وما افرط بيك حتى
انا احبك وانته تدري همّك بكلبي حملته
وبكل بساطه على الوجه حبنه شمرته
انته موذاك الااعرفه ومحله كعداته وعشرته
كلبي شنهي البدِر منه وغفل خنته
أنته وجهك غير وجهك مو وجه ذاك الرسمته
ما شفت مثلك اناني ولاعرفته
تروح للشامت تكله ابّير اظلم انا عفته
انته طبعك غير طبعي ولا نظرته
ودربك الاظلم مشيته ولا زلفته
وحك ربك ماني خاسر هالعب انته الخسرته
ويجي اليوم التبجي دم وما ارحمك بالعملته
ها خفت من السوالف
لاكن تعود الحبايب وكل جبيرة تهون حتى
وما ارحمك بالسوالف, حبك بكلبي طبعته
وهسه قيّم الفرق يسمر انا وين اوين انته
بقلمي
ضياء الصـــــــــــــــافي
رد مع اقتباس
المشاركة الأصلية كتبت بواسطة أوراق شاعر
