بسكوت الـحزن بسكوت
بسكوت الـحزن بسكوت
حديقه ونزل بيها الموت
امل عد الفراش الصبح شم قداح
اخذتو وجوهنه ورحتو بلايــــه وداع
مشينه ادروبكم نحسب الخطوه بگاع
حلم بس بالحيات انعيش نجر مره نفس خــدران
المات بنص جزيره بنعش ما ينشال تاخذ صورته الغربان
رد بيه خضار وعطر بت شيوخ توكف وكفه للدله
تعال بروحي الك فنجان خلني بچفك اسلــــــه
من افك عيني واشم طرواك يمي اطيح الف ذكــــره
يالماشي بخيالك صحره بيه ادور وبملكاك الف شجره
خشنه الدمعه من تختاض
احس بخدودي اثر نهران جافها المطر والماي
كلشي مناطر البيبان بكل فزه احسبك جـــاي
سچه بلا قطار وماكو الولايات ضاع الشــوف
وين التچ شذر وتكسر الصندوگ هاي الناس بيه تحوف
شگول وهمي تارس بير يوسف من ذكر يعگوب
ارگض وبگفاي سيوف تاخذ ثار چن مطلــــوب
النخل يشتاك للناعور شوگ العاگر وتحبل
هاي چفوفي بردانات وين اچفوفك اتوسل
سير لو دمع وارتاح من ابچيك بيه بكل كتر لوعات
يانسمه بخت شتلوك بالريه وعليه اتبات
وينك كل عتب ما اريد من ترجع يشيل الشيب
ترد بيه صباي وكون لعب الطين اريد وياك اعوف العيب
لــ كريم جسر
رد مع اقتباس
