هنا

[Snow Girl]

صباحـ /مساء
معطر بالفل عليكو يارب


:rolleyes::rolleyes:

نتصالح لو ما نتصالح ؟

.. قاله باله برتقاله ...

وأفرض طلعت ما نتصالح

شراح انسوي بهاي الحاله ؟ ..

معناها نقسم موطنة

دولة شيعة .. ودولة سنة

كل واحد يكتب دستوره

وكل واحد جدول أعماله ..

ونشرع قانون ايفرق

ويكول الما واحد كاله ..

يا ويل السني اليتجرأ

ويصاحب شيعي ويبراله ..

ويا ويل الشيعي يحن كلبه

ويدك ترميشة لجواله ..

ولو شافو بالنقال اسمه

الا يشيلوه بنقاله ..

والمتزوج من الثاني

يطردها وينكر أطفاله ..

وتشمل هاي الأجرائات

حتى أرقام السيرات

ماكو لوحة بصرة عراق

وماكو لوحة عراق ديالى ..

سنة عراق وشيعة عراق

وكل واحد يعرف منواله ..

زوجي وفردي

وطبعأ بإستثناء الكردي

ما نكدر نمنع تجواله ..

وممنوع يغنون لداخل

لو يستمعون لمواله ..

وممنوع نغني احنه الميمر

لو مرت لمة خياله ..

وممنوع بشارع يتلاكن

ام دحام وأم جماله ..

كولو هذا اليوم شماله ...

وكولو فال الله ولا فاله ..

ليش اتخيل هاي الحاله ؟ ..

كمت اتخيل هاي الحاله

من شفت الاستاذ اغتاله

واحد ما يوصل لنعاله ..

ومن شفت الدكتور اتهجر

وأحتلو بيته النشاله ..

ومن شفت العالِم متهدد

حاير وين ايشد رحاله ..

يومية وكالو نتصالح

والإشكال إنفض إشكاله ..

ويوم الثاني تموت أطفال

ويتفجر مسطر عماله ...

لو تتفقون ونتصالح

لو نرجع ع القاله باله ..

قاله باله برتقاله

يارب منشوف القاله

الشاعر يحيى العلاق

[نور الشمس]

عاشت الايادي

[Snow Girl]

مشكوووووووورة نور احلى دعاء هذا
تسلمي

[ملك الحب والعراق]

شكرا جزيلا يا فتاة الثلج بس وين اكو ثلج بهالزلك
وتحية طيبة للصديق العزيز يحيى العلاق
تحياتي

[Snow Girl]

منورني يا ملك
معليك بالثلج خليك وية القصيدة
وتسلم واني هم انطي تحية للعلاق

[كلكامش]

مشكورة سنو جيل

واني اكول

" قاله باله برتقاله
ياربنا العالي بعرشة
احفظ عراگي عند العشره "

[m!s$ sandy]

شكرا حبي عالشعر الجميل
تسلمي ودام ابداعكِ

[Snow Girl]

تسلمون على الردود والله يحفظ العراق

[mahdy mohamed]

سلمت اناملك في غاية الابداع رعاكم الله