عندي سوالف متيهات
وكت الليل
من نامو المايدرون
على كَـد البقه من الحيل ، دورتچ
تتبعت النزف من بيتچ لبيتي
من آخر حچاية أنكَالت بوجهي
وبچت بيها السمه شويه
لكَيت الطين من عطشان شارب كل نزف بيه
مشيت وكل دفو بعمري ، يطيح ، أتخيله بحضنچ
وكل ظلمة أنحچت يمي ، وخفت منها
أطمنّي بذكر أسمچ
من يم بيتچ لبيتي
مشيت وما شفت رسمچ
أشوفچ وين ما أدري
ضويت بكل وجع مكتوب مامكَيول ، وماشفتچ
دليني
أريد أبچيلچ العندي
ما معقوله ما ألكَاچ
عندي سوالف متيهات
منو اليندلني وأحچيها ؟
خليني
أدور كل زويه أنثلمت بروحي
هلبت ضامچ بيها ،.
علي سليم
رد مع اقتباس
