مجموعة من الابوذيات للشاعر المرحوم للحاج زاير دويج
---------------------------------
نحل جسمي وزاد اليوم مرضاي
على اللي ما شفت له شخص مرضاي
لو بات الترف بحشاي مرضاي
اكله اكرب يهل مبعد عليه
-----
أهل هل وكت بالك تمن بيهم
إدنان وعيب يحصل تمن بيهم
ثلاث من الخصايل تمن بيهم
الجذب والفتن والشوفة الردية
------
الزمان وي الجواد بسكَم كَصرن
ويبني بيوت للأنذال كَصرن
الكَصير يطول وال بي طول كَصرن
الصكَر يطلب من البومة هديه
----
أنه بدنياي عيبن شفت راحات
أو علي مرت ليالي العسر راحات
أجيبن هاي كَالوا ذيج راحات
أخافن بالقيامة ذيج هيه
-----
نحل جسمي وتظل روحي تعالي
هبطنه والنذل بينه تعالي
يجارة الدهر ما انصف تعالي
نخلط همومنا ونجسم سوية
-----
آنه انثر للهوى وما طلع حباي
ومن ضعفي غديت انحيل حباي
لون غير الحمام ايصيب حباي
عتبت ولا عتاب اعله المنيه
-----
إجبود ابجمر من الوكت ملت
وكَلوب الناس من الهجر ملت
مرابط خيلك من الخيل ملت
وبيض اسيوفكم امست صديه
رد مع اقتباس