هنا

[ارجع يازمان]

ما أصدك!!
حسين الساعدي
::::


ما أصدك
جانت ادموعك سراب!


وما أصدك
أسئل وماكو جواب!


ياورد
عاف الهوه!
وياكُمر
ينسه الضوه!


ما أصدك
روحك الجانت حمامه
تاخذ أطباع الذياب!


،،،،،،


ضيعت كل المشاعر
وفتحت للصفنه باب


والمصيبه وانه شاعر
والشعر صاير عذاب


روحك التطلع وكيحه!
غدرت ابروحي الجريحه
ما أصدك
بيه ماتلكه ابتسامه
وضاملك دمعة عتاب!
ما أصدك!
،،،،،،،


يعني معقوله السوالف
جانت العابر سبيل!


يعني ما تعرف توالف
ومثلت دور الخليل!


وجذبت كل هالسنين!
وانته ورد الياسمين
ما اصدك
للدمع ماكو علامه
وجانت ادموعك سراب!
ما أصدك
ااالساعدي

[رسـيل_^]

رؤؤؤؤعه للناشر والمنشور

[علي الشمري]