سوالف خاتون -1-
سوالف خاتون -1-
الخاتون هي شخصيه
من زمن الخاتوونات، تهجولت في الغربة و فقدت مميزاتها الإستوووقراطية و لم يبقى لها إلا الإسم، و بينما هي متهجولة شافت أعاجيب و قصص و جتي تسولف لكم اياها..
ههههـ اسمع قصصها من امي واخويه :) على مدونة بلوجر هههههـ مسويه حزب الخاتون وطبعاً
بعد بحث طويل وطويل وطويل حصلتها
هههه ما حصلت الخاتون لكن حصلت المدونه وحنقلها الكم على شكل اجزاء
____________________________________
الخاتون
الثلاثاء، 8 ديسمبر، 2009
الجرجف الخاتوني
اليوم حابة أحجي لكم عن جرجفي.. يمكن كلكم تعرفون جرجف الفنانة القديرة مفليسا (تحوير لإسم مفلسة، و تعني الإفلاس الفني) لكن خلوني أحجي لكم عن جرجفي
آني أيها السادة، مخصصة جرجف طول بعرض لأغراض مفيدة و نبيلة، شلون؟
يعني مثلاً.. عندما نتشارك أنا و جاراتي الحديث عن فلانة شلون زوجها جايبلها ساعة بالسعر الفلاني..
"بس الساعة مو حلوة، و السعر الفلاني المدفوع عليها هو إسراف و استنزاف لثروات المجتمع، و المسرفين أخوان الشياطين!" ثم نعضعض بالجرجف
و بيت فلانة شلون شالوا و كعدوا بشقة مفخفخة (مو مفخخة) في دبي (ما أكول إسم المنطقة لأسباب امنية)
"بس شلون تروح هناك و تستغل نزول الأسعار؟؟ هذا اسغلال لظروف الناس بالأزمة المالية اللي كاعد ينزلون بالسعر حتى بس يبيعون"
"شايفة بالله، و يكولون هيجي مطل على منظر البحر" ثم نعضعض بالجرجف
و فلانة شلون هي عوبة، و خطبها واحد زنكين و شكله حسن حسن حسن!! و ميت عليها و مشتريلها كيت و كيت و كيت!
"و لج عيني حطك و اموت من القهر،شلوووون؟؟ أشو آآآني الحلوة الكمر اللي بزماني مخبلة كل الوِلد بالجامعة،هاي تاليتي أوكع بأبو فلااان؟؟"" آآآآآخ يالقهر!! شنو هالتفرقة ضد الحلوات؟؟ شوفي، إحنا لازم نطالب بمساواة الحلوات مع خواتهم العوبات" ثم نعضعض بالجرجف
عرفتوا شنو الأغراض النبيلة؟ شلون لعد؟ إذا مو إحنا نصلح المجتمع منو رح يصلحه؟!!
لكثر حبي للخاتون حنقللكم كل قصصهـا الخاتونيه ما عدا السياسيه
لان الخاتون تسوي مشاكل هواي بالسياسه هههــ
ودي
رد مع اقتباس
المشاركة الأصلية كتبت بواسطة ملاك96
