"قصيدة تحشيشية"
ذاك اليوم جنت صافن
كاعد بالغرفة العصرية
كاعد ألعب بالكومبيوتر
جتني فكرة صاروخية
خل أسأل نفسي فد مرة
أريد أعرف شنهي الوضعية
آني شدخلني القانون
شخلّاني بهاي الكلّيَّة
جمالة جامعة النهرين
لا بغداد لا مستنصرية
خلصناهة بس دراسة
ما عدنة اشياء ترفيهية
مِن طبينة مرحلة أولى
حسينة بفرحة قوية
كِلْنة راح تعب السادس
رح نَتْوَنَّس بالكليَة
من شفنة الدراسة صعبة
جتنة صدمة صاروخية
هذا المدني وكّع شعري
سوة بنص راسي كرعية
والمدخل أوف من المدخل
وتاريخ القانون بليَّة
والمالية والجنائي
والاقتصاد شسوة بية
خليهة سكتة شسولفلك
عن المواد البقية
مالتنة الكليَة تخبُّل
جنها مستشفى تخصصية
القاعة جنها زنزانة
والسنتر جنَه قوطية
كاع السنتر ملعب شطرنج
بنص قلعة رومانية
الحفلة اتصور ممنوعة
والسفرة طبعاً مَلغية
بس باقيلنة نشيل سلاح
ونلبس أزياء عسكرية
ونكضيهة تدريبات
وللآمِر ناخذ تحية
لو رايد فد يوم تصارح
بوري يضربك مية بالمية
يا عمي حيل تْبهْذَلنة
وصارت بينا افلام هندية
تدخل شكلك حيل يخبُّل
جنت ولد أو بنية
تتخرج مَكلوبة خلقتك
بيك أمراض مستعصية
طبعاً متحصل تعيين
ماكو أي فرصة وظيفية
تِكضيها سايق مخدة
لو عمالة لو بالكَيَة
لو بالجيش لو بالشرطة
يعني رح تلبس بيرية
التعيين بس واسطات
وادفع رشوة خرافية
لو رايد تلحك على نفسك
اسمع نصيحة ذهبية
دوِّرلَك معهد ميتعبك
وأحسن ارجع للاعدادية
رد مع اقتباس
المشاركة الأصلية كتبت بواسطة نبع الحياه
