تركت كلبي اعله حبك جامع ايصير
بلا ذكر وعباده ولا يصلّون
واشوف الناس تسأل وانه محتار
ولسان الناس يذبح من يسألون
تغير اطباعي تكدر هاي السنين
مثل أيتام حزنت بالله ينسون
كلبت مرايتي التعكس بالوجوه
وشفت ذاك الجمال وذيج العيون
واذا عكست جمالك هذا تفسير
شريد بصورتك يل ماكو مضمون
يا صورة جماد انطبعت بماي
يهزهه الروج تسكن ويه السكون
أنفضح امرك تريد تغير الحال
بعيد العب لغيري وي اليعبون
ولا اريدك حمامه تحط على جتاف
ولاكلبك نهر يروي اليشربون
دمع تمساح دمعك بطّل ادموع
عميت اعيوني لاجلك ادمع شلونأ
بطن ذاك الملاك انفضح شيطان
ابطن شيطانك انته انواع الفنون
مثل خوان يوسف ركستني أبير
وتريد بارخص ثمن شماتي يشرون
Rيلشوفك ورد يلملمسك شوك
يضل سم الحيايه ابين السنون
رد مع اقتباس
