يا أحلى لحظة طيش
متلك في الجمال مافيش
يا أحلى بسمة
زى أحلى نسمة
يا غيمة ربيع
تمشى وتسح
عبق الورود
أحلى الدعاش

فيك ما أحلى الجنون
سهما فلت
يغرى المجون
من صابه عاش
وال بخطئه صابه إرتعاش
فيك ما أحلى العيون
الشاربة من سحر الجنون
رويانة بى كل الفتن
والروعة والريد والفنون

قولي بس لولاك كيف
الود يكون
يا منبع الود والحنين
زيدينا من همسك درر
همسك يزيد فينا الشجون
نسرح معاك
نتخيلك
نلقاك في نني العيون

صورة ملاك
يغرى الخيال
بي كل آيات الجمال
شايل عيون أجمل غزال
ما بين سحابات الحور
ورموش بتسبح في الدلال

زيدينا من فنك كمان
أنغام جنون
تغرى الكمان
يالشاربه من نهر النقاء
ومن القمر شايله الضياء
ومن النجوم
أجمل تألق في السماء
خلينا في ركب النسا يم في المساء
بلقاك نتناسى الأسى
ويرتى الزمن الكان قسي

يرجع يعيد الابتسام
ينسج حروف أحلى الكلام
غوغاى قمارى مع الأصيل
تغريد كنار
وهديل حمام
يا احلي نوبات الجنون
يا كل أطياف الحنين
رشي الحروف
زيدي الجنون
وأحلى ألوان الفنون
بقلمى/ ود جبريل / ود امدر