هنا

[حہٰسہٰوون سہےزر]

مجموعة ابوذيات ,شعر شعبي مميز 2015

بنص عيوني شلتك ما هملتك
وتدريني انه احبك ما هملتك
الخيانه مو طبعك ما هي ملتك
لان طبعك وفي يا صاح بـيـّـه
.................................

حبّك مــو ألـم هذا ورم شاك
وأحب وجـهك واعيونك ورمشاك
واريد أبقى انه امشي وره مشاك
لان كــلبي يــحبـك مــو بديّـــه
....................................

انا كل ليلــه افكر بيك وانـهار
نزل دمعي عليك محيط وانهار
جبل كلبي محبتك صار وانهار
لان زلزال حــــبك صـــار بيّـــه
......................................

على حزنك لبس كلبي .. سوادين
جنت شاري كلب هسه .. سوا دين
براسي من رحت تلعب .. سوادين
سواديني صرخت خان بــــيــّــــه
...........................................

شهر ناكص كلب حــبك شهر زاد
مضايك من سبب هجرك شهر زاد
قصص حــبــك انـه اقـره شهر زاد
ألف ليله بشهر كلهن اذيــــــــــه

[ملكه على عرش الاناث]

اجمل ابو ذيات

[ملكه على عرش الاناث]

الصراحة كلش حلؤات

[ملكه على عرش الاناث]

ابوذيات روووعة وتالق

[حمودي الفرطوسي]

يخبل ذوقك

[علي الشمري]

عاشت الايادي
شكراً

[حمودي الفرطوسي]

ابوذيات جميل كووووووولش