السلام عليكم \\\حبيت استفسر عن الوكالة عندما اشتري سيارة من شركة الكاصد اريد ان اعرف هية السيارة مرقمة لولا او شنو الوكالة عليش
مثال \\ التوسان 18000 يعني هذا شنو زيرو ابرقم او بدون رقم واذا اشتريت امنين اجيب الرقم او هيه الشركة الترقم واشكد سعرة اذا موجود بالشركة اريد اعرف لان اريد اشتري هذي السيارة من الشركة
ولكم جزيل الشكر والتقدير ...... اخوكم ليث شوقي
حسب معلوماتي البسيطة ...واللي اعرفه
18000 تعني سعرها بالدولار ..واتصور هو هذا سعرها للتوسان حاليا ..واكو سيارات اللي هي عالزيرو ..نشتريها من معرض بدون رقم وتبقى باسم صاحب المعرض او الوكيل لمدة تقريبا شهر اذا مو اقل الى ان يجي الرقم مالتها او تتسجل وينطيك وكاله بيها ومن يجي رقمها يديرها باسمك والرقم هو الوكيل يسوي الك بعدين تبقى اجراءات تحويلها باسمك ..مرة هيجي صارت عدنا ...وتكدر تستفسرمن الشركة نفسها وتسالهم كلشي غامض عندك ..
واللي عندة اضافه او تعديل اكيد يساعدك
عيني ...شركة القاصد هي اللي تملك وكالة بيع سيارات ماركات الهونداي بالعراق ..يعني حتى الشركة العامة للسيارات تشتري عن طريقهم ...و السيارة من يكولون وكالة يعني داخلة للعراق زيرو ...
اذا تشتري مباشرة من القاصد ما تكون السيارة مرقمة ...ولازم انت تسقط سيارة او تشتري رقم سيارة مسقطة ...حتى تشده للسيارة ...و ما ادري اذا همة يوفرون ارقام للبيع او لا ...بس حتى اذا يوفرون هيج خدمة رح تكون بسعر اضافي يمثل سعر الرقم الابيض وهو عادة حوالي اربعين ورقة .
ارجو ان تكون الاجابة وافية .
والله يا أخي حالك حال كل عراقي أغلى دولة بي العالم هو العراق أذا ما عندة كهرباء و المياه ولا المان شالون يسير أرقام السيارات ههههههههه والله موجود انش الله يسر خير
مبروك عليك السيارة عقبال عندي يا رب
رد مع اقتباس