عجيبه الناس گامت ماتَعرف اتحب؟
وعجيبه الــي تحبه ايگــوم يدلل
وعجيبه الي تضحيله ابعمر وسنين
يجازيك ابجرح ويگوم يتمندل
ياعمي العشگـ مو هيج يمعودين
أذا اتريد أتعَرف شنهو العشك اسأل
أسأل قيس .. ليلى وروميو وجوليت
ابمدرسة العشگ ذوله اصبحو اول
روح اسأل الليل واهـ من الليل
چم عاشگ يظل للصبح يتغزل
.......................................
عجيبه الي تحبه ايكول والناس
وانه الي جنتله كبل وناس
سلب عكلي وخذاه ابليل وناس
تعال اشبيك رد عقلي اليه
علي الشمري
خليني اعله بالك من تشوف النار
لأن هيج اعله شوفك مشتعل گلبي
تعال اكعد يجرحي اتحاسب وياك
وخل نسهر سوه ونصفي الحساب
وماكو ويانه ثالث باخر الليل
اني وياك بس ونقفل الباب
منين تريد ابدي ابكيفك اختار
من اول جرح لو اخر مصاب
لو من حزني وعذابي واول صباي
لو من تيتم روحي وفكد الاحباب
ردت منك سبب لحزاني وارتاح
ما دوخك وكلك كل الاسباب
ليش ازرع ورد وانت تجي انوب
تزكي اورود روحي وكاعي تيزاب
اجاك اكتاب فرحي تلاعبت بيه
واسمه غيري كتبته بنفس الكتاب
گتلگـ مر علي…. مو مر تصير وياي
راح يهوسون بزفتك هواي هوساتهاي الرادها وهاي التمناها
عادي وداعتك كلها ارضاها
بس هوسه وحده مااريدها تنگال
ماريدك بعيد تصير عني....اهواي
قريب انت وحس بعيد مو .شمره
اكض الروح كوه من الك..تشتاك
اذا كضيت روحي الكلب شيصبره
يغيم الكون اذا فديوم شخصك غاب
اعيش اليوم كله بحزن و.. بحسره
اسمك لو يصير الموت اجلب...بيه
مو مره اموتن بيك الف.......مره
بالحلم شفتك طيف جذبت العيون
نايم وافكر بيك من اكعد شلون
گاعد وافكر بيك ماجاني كل نوم
واتخيلت مرسوم وجهك بالنجوم
الشمري
حلم بس يا حلم بي انته موجود
احلى من الحقيقة هواي حسيته
ومن كدما شفت بي راحة وياك
اكثر من حياتي الحلم حبيته
هلاهل زفتك .. بضلوعي طلقات !!
على الخير حنتك خذوها من دمي
