بعدك بالگلب يالغالي ما ناسيك
نتفارگ جسد واسمك علی لساني
جذب كلمن يگلك ما افكر بيك
بسمك نبض گلبي وعزفت الحاني
يا أول محطة بعشگ ما موجود
يانغمة وتر تعزفهه شرياني
اتمنی تجيني ونگعد انه وياك
وسولفلك شعر من عمق وجداني
وعلی أذراعي انيمك واكتم الأنفاس
خاطر من تفز ملهوف تلگاني...
گبل لاينگطع جفه حلال البوگ للجايع
اذا راد المريض ينام عيب يأذن الجامع
اليفز بالليل يدري بولفه مامرتاح.
لسان حال طفلة فقيرة تقول لطالبة بعمرها
وهي تبكي
..
برحلة وحدة وياج جنت احلم اعيش
واني وانتي ثنينه نحل االدرس
هسه انتي بمدرسة واني برصيف
جنت.افــــــكر اقره موبيع اكلنس
جفوفي مال اكتابة!!!!مو مال ازدحام
شنهو ذنبي وبية حسرة اعله الفلس ..
شوفي يوجعني امنصد للطالبات
اني.هم عندي كَلب يهوه ويحس
الثكيله بهل وكت ما تعجب الناس
تعجب ناسنه الوكحه الخفيفه ....~
بطلت الحزن راح ابتسم لعداي
مو قصة فرح بس كسرة خشوم
يستفزوني بغيابك مالهم رداد
تعال شبيك خل نضحك عليهم
التنزل دمعته هوايه احس محظوظ
من كلبه السوالف دمع يحجيها
بس كلش خطيه ومدري وين يروح
الماتنزل دمعته ويختنك بيها
تعال وشوف حالي شكد الك مشتاق
مثل مسجون يسمع ماتت امه
حزني سياسي
...
حته بالحزن مو مثل باقي الناس
حزني يختلف حزني سياسيما تنزل دمعتي كبال شمات
صح مكسور بس رافعا راسي
بداخل صدري ثورات..اضطرابات
كبال الناس ما ابين احساسي
هايج بحر دمي بوسط الضلوع
وبين الموج بس الحزن راسي
رغم بعدك بقيت ببالي موجود
واذا سألوني اكلهم والله ناسي
