هنا

[فقار الكرخي]

الجارحني عرف حلفني .. إن ماگول
وانه بطبعي بير شلون اطلع سر
اضم الجرح واسكت لو شفت قمصان
يصبرني الوحي شما اصدله كال ابشر
بس احجي اذا كدامي تهمو ذيب
والعنده ثقافة شاعر يفسر
تسكت تنوكل من تحجي يغتابوك
بس مااحير خلهه الوادم تحير
هو السيف يفرض روحه بالميدان
وما يغتابه بس السيف المزنجر
وانه اتعلمت الا ادگ بالميزان
اعير احجايتي وبالناس مااعير
من اضحك بزودي هواي عندي سنون
خير من الله خيري وماكلت خير
وما ابچي بلاش الا بشهر عاشور
جفني الما يچذب دمعته تشور
السوالي فضل بالشعر بس الليل
هتي عيوني والعنده اصبع يأشر
النجوم هواي بس الكمر وحده بلون
يصد نجومه هوسه عدد متطشر
موبس عن ثقه روح اسال العشاگ
بكعدات المسامر يا ضوه اتدور
الي طعمي والك طعناتك بمكفاي
وصية ملح كون براسك تغزر
سافر وي خيالك بس شرط معزوم
واطلع بالشعر لاتطلع مسير
تره يضحك عليك الكالك كبران
ماتكبر لان احساسك ازغير





لشاعرها محمد الدراجي

[سمراء من قوم عيسى]

[علي الشمري]

[فقار الكرخي]

نورتو الموضوع