مساجلتي مع العملاق حسين الساعدي
صارت شوفتك حصره !
:::::::::::::::::::::::::::::::
جنت يوميه أشوفنك
وصارت شوفتك حصره!
ولك مابيه اعوفنك
ويالليل النسه الكمره!
تعال ابداعت اعيونك
تعال ابكلمة اشلونك
تراها اعيوني منتظره
وصارت شوفتك حصره
مريم حسين
......................................
أجيب اعيوني وبملكاك
وعاند روحي يوميه
وأسهر للصبح وياك
يخايب بيه مابيه!
غفله وشحت أخبارك
وتارك بالكلب نارك
يامحبوبي طفي النار
نارك بالكلب كبره
وصارت شوفتك حصره
ااالساعدي
..............................
ماخلوني أمرن بيك
اهلي وكل عشيرتنه
لمن ما سئلت اعليك!
زعلت حته ديرتنه
وطيور الكطه الناحت
ويه ادموعي الطاحت
ياعمري الحرت بأمره!
وصارت شوفتك حصره
مريم حسين
............................
وطيور الكطه الوياك
مرن شافن اجروحي
عرفنك رحت بجفاك
ناسي اجروحك ابروحي
وأزغرهن لعب بيه!
يعرف ما الك جيه
أريدك ترجع اتحذره
وصارت شوفتك حصره
ااالساعدي
رد مع اقتباس
المشاركة الأصلية كتبت بواسطة بنت النجف
