هنا

[فقار الكرخي]

من مشيتي
اعلن الحب الحداد
وركزت بالكمر حيل
ما شفت بس السواد
..
من مشيتي
انعقد قران الجكاره ويه الشفايف
وتوافرت كل الشروط
وافقت شفتي وكطعتلها المهر
ليس اكراها ولكن ... لا سبيل
القاضي هجرج
والشهود
سنينه ودوره كفاج
..
شرد اكلج
حالي بعدج
حال شذرات العقيق
بجف المفارك صلاة
..
(ليس حبا بالورد لكن اشمه )
بلكي تعثر ريتي
واشهك نفحه منج
.
يا ترافه غبشه الله
عيوني ما تدري شتشوف
.
من مشيتي
كلها ضحكت
فرحه الشامت ثكيله
..
مري بيه
خنكه الشاعر قصيده
وانه كلش مختنك
.
مري بيه
فرحه الفلاح من يسمع مطر
.
غافيه الحركه بصفنتي....
شيلي راسج علسمه
بس ركزي زين
انه فوك الغيم راسملج ... تعالي
يلبيج كلشي
انتي وين
تفح الشيب البراسي وانتي ماكو
بس تعالي
وفوك شعري .. نكطي ليل
فدوه رجعيلي الشباب
الماعرفت شلون اوضفه
..
موعدج ويه التناقض... ما تناقض
العافيه بدوره رغيفج
الموت ويه دوره كفاج
..
تشتعل حسراتي شوك
والكه طيفج
كاعد يهفي لحسرتي
لا تجين
جمر بريتي النفس ..
فدوه وديلي برودج
...
اذن بروحي الحنين
وقامت بروحي الصلاة
وكمت اصلي
القبله دربج
والوضوء بدمعي حصراً
غير قابل للتيمم
الا في حاله وجود جفوف اديج....
ليت للاشواق حدا
حته اقيم الحد عليهن
وحته اكول الدنيا دنيا
وازرع الضحكة اعله شفتي
..
من مشيتي
رددت كل القصايد
ودورتهن بيت بيت
وماشفت بس كلمه وحده
ها نسيتي؟؟؟؟؟؟؟؟



م

[علي الشمري]

من مشيتي
رددت كل القصايد
ودورتهن بيت بيت
وماشفت بس كلمه وحده
ها نسيتي؟

[ٱجَمل ٱنٌسًٱنٌة]

روووووووووووووووعه شكرااا لك

[سمراء من قوم عيسى]

[فقار الكرخي]

نورتو الموضوع .