هنا

[ارجع يازمان]

وحنه شبسرعه كبرنه!!
حسين الساعدي
×××××

والله جَنه
ابخير جنه
ابعافيه وطيبة أهلنه
‘
وأيد ما تلكه العيون اموكحه
وجانت النظره تنكط مستحه!
وجانت البسمه ابوطنه!
والله جَنه
‘
ازغار جنه
وأبد ما خوف اليمرنه!
نلعب بأجمل زمان
ويا لعبنه
ولو تعبنه
نغفه وبذاك المكان!
ابدنيا مليانه حنان
ابدنيه مليانه أمان
وأأأأأأأأأأأأأخ يا لمة شملنه!!
والله جَنه
‘
ياقطار العمر حاسبنه ابعمرنه!
انطلبك اهوايه سوالف ماحجيناهه ابزغرنه!
ونته وين اتريد بينه!
وشيبينه
وما تكف شيبك علينه!
وصارت
الدنيا قيامه
وما أظن
تلكه ابتسامه
ونبتسم لا تنتظرنه!
وضيعت صوت الهلاهل
صارت الزفه قنابل!
البارحه ونلعب دعابل!
وحنه شبسرعه كبرنه!
احنه شبسرعه كبرنه!
ااالساعدي

[علي الشمري]

حلووووووووو