هنا

[‫احمد الربيعي‬‎]

كلي لسان عندك لو ذهب مصيوغ
شني كلمات سحرك كلي واحجيهن
منو يقدر جمالك وانته فوك الغيم
منو الشاهد عيونك ما بحر بيهن
جروح البيه يشفن من يمر طاريك
اذا عني بعيد ابيش اداويهن
اذا ذكري يفرحك انه افرح بيك
اذا ما يسعدك دمعاتي ابديهن
اريد انطق بكلمه بس احس خجلان
مااعرف حروفي شلون ابديهن
لان خافني اخسرك خاف وكتي يروح
اخاف الدور حتى انفاسي تكضيهن
قسم بالله احبك مو خداع وياك
مو كلمات اصفط تنعجب بيهن
انه معدد صفاتك ويه نجم الليل
وحتى عالكمر رسماتك ابديهن
طيبه ورقه ومأدبك رب الكون
صفات هواي باخلاقك تحليهن
كلامي بمستحى وبكفتي ميزان
حبي يفوز لوحبك يعليهن
انه اجزم الك واللي خلق جبريل
احس جنه ويه حبك ما فرق بيهن
احبك على بعضك مو عيوب البيك
حنان وعفه بس وياك الكيهن
خل احجي البكلبي ومن وراهه ارتاح
مشاعر الك كثرة ماتحس بيهن؟
من انظر عيونك ماأشوفك لا
اشوف ابحور من جناة اسويهن
عيونك عذبني ماكو هيج عيون
وارموشك سيوف وثق متت بيهن
راح اختم واكلك ابقه احب لموت
لأن دونك عضاي النر تجويهن
هذن كلمات طلعن من صميم الروح
شما طالت الدنيه الك القيهن @@@بقلمي المتواضع

[علي الشمري]

سلمت يداك حلووو
تقييمي