عجبني تعليق ليديا !
المهم هذا مرحلة مراهقة .. أنجذاب .. أعجاب .. أشلون تريدين أتسميها سميها !.. الزبدة ؛ يا أختي أترك موضوع الحب الآن راح تحتاجيه بأيام ( الجامعة ) كولش هواي ههه .. أي والله .. وسلامي لقلبكِ الصغير ........
عجبني تعليق ليديا !
المهم هذا مرحلة مراهقة .. أنجذاب .. أعجاب .. أشلون تريدين أتسميها سميها !.. الزبدة ؛ يا أختي أترك موضوع الحب الآن راح تحتاجيه بأيام ( الجامعة ) كولش هواي ههه .. أي والله .. وسلامي لقلبكِ الصغير ........
طبعا ً ياهو اللي علق ...تكلم من وجهة نظره بعد ما تجاوز مرحلة المراهقة ...و الكل شايلة شعارات هذا مو حب ..و بعدين تضحكين على الموضوع و تنسيه و اهم شي دراستج ....
هسة هي البنية عايشة بهالمرحلة ...و عندها هالمشاعر ...و حايرة ...شعلينا بالمستقبل احنا ....
شوفي حياتي :
البنت انسان رقيق ...ارق بكثييير من الولد ...و بعمرك هذا ، (الحب ) او هالشعور اللي انت عايشته (كا ئنا ً ما يكون اسمه ، اعجاب ، تعلق ...الخ )...شيء جدا ً طبيعي ..و سوي ...و مو وحدك تمرين بهالتجربة ...كل البنات تقريبا ً..و اغلبه يكون من طرف واحد ...و بصمت ...و حتى ممكن البنات اللي ما يحبون شخص من بيئتهم يحبون ممثل ، لاعب ، مغني ...الخ ...
هذا الشعور بعمرك ضروري ...و يرجع الى نضج العاطفة و العقل و الجسم و التغير الهرموني في هالمرحلة ....يعني شي من رب العالمين ...لازم ما نكرهه ولا نقلق منه ولا ننكره ...بس ....بس ....لازم نتصرف وياه صح .
الصح ...هو ان نعيشه بجماله و بدون قلق ...و نستمتع به بصمت ....الى ان نصل الى العمر اللي ينتهي بيه التشوش العاطفي ...و اللي ينتهي بنهاية مرحلة المراهقة و عادة عند دخول الجامعة ...
من رح تدخلين كلية ...رح تتغير البيئة ..و الناس و طبيعة الزملاء ...و تتعرفين بناس هواية ...و وقتها تراجعين نفسك ...و تسأليها ...(بعدني احب ابن خالتي ؟)....
و اعتقد هو اذا يحبك هم رح يبين ....لأن رح يكون بعمر مؤهل ان يفاتح اهله بالخطبة ....
المسألة مسألة وقت ....كل شي رح يبين بالنهاية ...لو ترتبطون ...لو تنتهي هاي المشاعر المؤقتة مثل ما بدت و تحل محلها مشاعر حقيقية تجاه شخص يلائمك ...و هذا رح يكون الحب الناضج و الواعي ....
اهم شي ان ما تسولفين مشاعرك لأي شخص ...حتى لا تسببين شوشرة على نفسج ...حرامات نسوي هوسة على شي بالنهاية يروح مثل ما اجى ...
عيشي المشاعر ببراءة و سعادة و دون قلق ..و اللي الج ما يصير لغيرج ....
بالتوفيق عزيزتي .
اتركي هذه الامور التي لا تنفع ولا شي واهتمي فقط بالدراسه وباهلك
اهتمي بدراستج و بس
fairy touch
المفروض هاي النصيحة تتثبت لكل بنت حائرة وعنوانها اذا كان عمرك تحت العشرين و تحب من طرف واحد تفضل هنا
حقيقة كلامك حكيم
اني مو زين بالنصائح بس اني اكول .. دبري رقمه .. و رسالة SMS اكتبيله (احم) .. جس نبض .. اذا شد الجينكو او استغرب .. كليله اسفة بالغلط جنت كاتبتها لصديقتي .. و اذا تجاوب لو تشاقة انتي بعد جري رجله وخلليه يتقدملج، خصوصا الشباب بهذه الفترة يكون طائش .. و ممكن يقدم على ورطة مثل الزواج .. اما اعتراف مباشر بالحب .. فغالبا الاعترافات المباشرة تنتج عن نتائج عكسية، وكذلك اذا حس انتي متعلقة بيه اكثر من اللازم هم يسوي نتائج عكسية .. على كولة المصري .. حبة حبة يا علام .. و التخطيط السليم والماكر .. يؤدي إلى نتائج ممتازة
رجاء بدون انتقادات .. هذا رأيي
المشاركة الأصلية كتبت بواسطة Samer
اني مو زين بالنصائح بس اني اكول .. دبري رقمه .. و رسالة SMS اكتبيله (احم) .. جس نبض .. اذا شد الجينكو او استغرب .. كليله اسفة بالغلط جنت كاتبتها لصديقتي .. و اذا تجاوب لو تشاقة انتي بعد جري رجله وخلليه يتقدملج، خصوصا الشباب بهذه الفترة يكون طائش .. و ممكن يقدم على ورطة مثل الزواج .. اما اعتراف مباشر بالحب .. فغالبا الاعترافات المباشرة تنتج عن نتائج عكسية، وكذلك اذا حس انتي متعلقة بيه اكثر من اللازم هم يسوي نتائج عكسية .. على كولة المصري .. حبة حبة يا علام .. و التخطيط السليم والماكر .. يؤدي إلى نتائج ممتازة
رجاء بدون انتقادات .. هذا رأيي
عمي شكد بسيط هذا الحل
بس والله منطقي..عاااا
اكلج انثى حائرة اني متابعة مواضيعج كلهة اولا انتي طفلة عمرج 16 سنة ثانيا اشو كليومية منزلة موضوع تحبين شخص ارسيلج علة بر مدكليلي كلبيش عندج كليومية واحد مو قبل كم يوم جنتي تحبين واحد مزوج شنو بطلتي منة شنو هاللعب مال جهال هذا بابا ياحب يابطيخ كلة جذب والله ماكو شي اسمة حب واذا اكو فنسبتة 1 بالمية اكبري وصيري سيدة ناضجة وبعدين حبي براحتج عوفي هالسوالف متفيدج
.. لا يا معودة .هاي شسويتي
اها اسفة حذفتهة للمشاركة
رد مع اقتباس