هنا

[ارجع يازمان]

نفس الأحساس
مساجله حسين الساعدي مع مريم حسين


——————-
نتشارك نفس الأحساس
ونتبادل حته الأنفاس


ياقيس المشتاك الليله
وياليله الضلت تشكيله


من الشوك الما ينقاس
ونتشارك نفس الاحساس
مريم حسين
________________




وياك الروح ابمنواها
ياروحي الرادت وياك


هالروح ورايد وياها
وبروحي اليوم اتعناك


ياروح
الما عافت روحي
وياك
ابلجمات اجروحي


وخلينا ابعيد اعله الناس
ونتبادل حته الأنفاس
حسين االساعدي
___________________


حبيتك أكثر من روحي
وياروح الما بعدك روح


بغيابك وتسله ابنوحي
وياسلوه اداوي المجروح!


ابهاي العين
وهاي العين
طيفك ظميته
إمن اسنين


ياروح البلحب تنباس
ونتبادل حته الأنفاس
مريم حسين
_______________




كلما أشتاك الأنفاسك
أشتم وردات البستان


ياروح الهامت بحساسك
يا نغمه الكل الألحان


خليني
ابحبك خليني
عطشان
وحبك يرويني


ياكاس الما منك كاس
ونتبادل حته الأنفاس
حسين ااالساعدي
_____________________


حاجَني الوردات ابحبك
نفس البستان المريته


ويامشتاك ابلهفة كلبك
شميت الورد الشميته


وشميت
أنفاسك بلورده
ياعطر
الروح الما بعده


وشكد راقي اشكد حساس
ونتبادل حته الأنفاس
مريم
______________________


صدكني وضليت ابشده
وضايع بلبستان الشفته


ومابينك ما بين الورده
دايخ ياهو المنهم انته!


نفس الريحه
ونفس اللون
وحاير ضليت
ومجنون
وياهي المن عدهن تنباس!
ونتبادل حته الأنفاس
ااالساعدي


مع أجمل التحايا

[رسـيل_^]

رؤؤؤؤؤؤؤعات عاشت الأنامل

[علي الشمري]

الله الله
عاشت الايادي
كلمات راقت لي جدا
سلمت الانامل الذهبيه
وردي مع تقييمي

ابهاي العين
وهاي العين
طيفك ظميته
إمن اسنين

كلما أشتاك الأنفاسك
أشتم وردات البستان


ياروح الهامت بحساسك
يا نغمه الكل الألحان

[ارجع يازمان]

رؤؤؤؤؤؤؤعات عاشت الأنامل

الروعه بحضوركِ الاروع دمتي بخير

[ارجع يازمان]

الله الله
عاشت الايادي
كلمات راقت لي جدا
سلمت الانامل الذهبيه
وردي مع تقييمي

ابهاي العين
وهاي العين
طيفك ظميته
إمن اسنين

كلما أشتاك الأنفاسك
أشتم وردات البستان


ياروح الهامت بحساسك
يا نغمه الكل الألحان

اجمل التحايا لروعتك
دمت بخير