صارف احساس بكد سواد كلوبكم
مو هسه اسولف. من كبل.
من جنت أعثر من اصد
مو من صرت عاثوره
من جانت الوادم كبل
تستنقد التنوره!
من جان عالفطره الشعر
مايعتمد عالصوره!
حبيتهه وارد افتهم.
نيتكم وياهه شنو؟
أو بالاصح انتم منو؟
وشجابكم لحساسهه
بانيلهه بريتي نفس
خافن حجزتوهه بمهر
حاجز كصيبه براسهه!
كبرت واخذتوهه شوكت
ربيتهه لحد ماوكع
وجهي وعثرت بسيفكم
ماشايفه خيوط الشمس
طفله وخنكتوهه بعرس
جاهيه شنهو بكيفكم
باطل هلاهلكم شمر
جيتوهه من باب الستر
عوفوهه استرو عيوبكم
يالمشتريهه بجم فلس
مشكوله ريت جيوبكم
جكليتكم كله زغل
يالمالكم بيهه شغل
بيضة كلب موثوبكم
كاتب عليهه شكد شعر
بلهامي تلكون شكثر
صارف احساس بكد سواد كلوبكم
رجعوهه خلوني انطفي
شديت عمري بلاوعي
بشباج اثر خطواتهه
رجعوهه واقبل من تجي
إترد هيه ووليداتهه...
م
رد مع اقتباس
