يمه يمه ذوله اهل القصر ما لاعبوني
يمه من شافوني اجيت اتنادسوا واستغربوني
يمه ما سموني بسمي وكالوا هذا ابن الفقير وشتموني
وكالوا هذا ابن الصريفه وعيروني
يمه جاهو الفقير شسوه من نجله بعمرهم
يمه جاهية الصريفه شماخذة وخايف قصرهم
يمه كالوا لا تمر منا بعد بالك تشم ريحة وردنا
وكالوا بجدمك الحافي نخاف يترب عكدنه
يمه عدهم كلشي عدهم واحنه بس الماكو عدنه
يمه لعبات عدهم مدري شنهي وانه لعباتي طين
يمه حته ثيابهم مستغربتني يعاتبن ثوبي الحزين
يمه جا ليش احنه فقره وليش اهلهم زناكين
يمه دين الفقره متعب خل نبدله بغير دين ؟؟؟
رد مع اقتباس
