هنا

[علي الشمري]

اني رغم العوز ماعايش ذليل
والكرم بجفوفي موش الطاسه
وبكرامه النخل عايش عل نزيز
والكصب بلماي دنك راسه
انت موعالي ولو حت لو عليت
الكزاز اتعده عد الماسه
للاسف ميت لكيتك ياصديج
واليموت المات منه احساسه
واحنه علمنه اللصبر يصبر اشلون
والونكص بيده يجمل كاسه

عاشت ايدج اختي
شكرا على المرور

[إبتسـامة فـــآترة]

هذا دارمي بين الثري والفقير وكيف هو الحال

الثري

السيارة والفيديو والقصر عندي
وبدلة عرس بالفين للحلوة اهدي

الفقير

أملك كلب مشتاك والحب والاحساس
وبالوحشة عندي أعيون من يفرغ الكأس

الثري

بالموطه والتبريد وأكلاده وأسوار
تمشي الأحبها أوياي من دار الى دار

الفقير

لو تبني عشر أقصور أيظل ساقي أعلى
أبكلبك نهر عطشان وبكلبي يروى

[إبتسـامة فـــآترة]

ربك يفك حلوك ينطيها لكمه
بس البشرملعون ماعندة رحمه

[إبتسـامة فـــآترة]

ﺍﻟﻠﻪ ﻣﻮ ﻭﺻﻪ ﺑﻜﺘﺎﺑﺔ ﺃﻋﻠﻰ ﺍﻟﻴﺘﻴﻢ ؟
ﻟﻴﺶ ﻣﺎﺗﻤﺸﻲ ﺃﺑﻜﻼﻣﺔ ﺍﻟﻨﺰﻟﺔ
ﺍﻟﻠﻪ ﻟﻮ ﻣﻴﺖ ﺳﻨﻪ ﺃﺗﺼﻠﻲ ﻭﺗﺼﻮﻡ
ﺭﻛﻌﻪ ﻣﺎﺗﻮﺻﻞ ﺍﺫﺍ ﻣﺘﻮﻛﻠﺔ
ﺍﻋﻜﺲ ﺍﻵﻳﺔ ﻋﻠﻴﻚ ﻭﺍﻧﺘﺔ ﺷﻮﻑ
ﻫﺬﺍ ﻟﻮ ﺍﺑﻨﻚ ﻣﺠﺎﻥ ﺍﺗﺪﻟﻠﺔ
ﺟﺘﻲ ﻣﺪﺭﺳﺘﺔ ﻭﻷﻥ ﻣﺎﻋﻨﺪﻩ ﺛﻮﺏ
ﺍﺗﻮﺳﻞ ﺍﻷﺳﺘﺎﺫ ﺍﻥ ﻣﻴﺴﺠﻠﺔ
ﺍﺷﻠﻮﻥ ﺃﻛﺘﺐ ﺩﺍﺭ ﻭﺍﺣﻨﺔ ﺍﺑﻼﻳﻪ ﺩﺍﺭ
ﺍﺳﺘﺎﺫ ﻣﺎﺗﻜﺪﺭ ﺗﻐﻴﺮ ﺍﻟﻤﺴﺄﻟﺔ
ﺯﻳﻦ ﺍﺫﺍ ﺍﻛﺘﺐ ﻫﻠﻚ ﻛﻠﻮﻟﻲ ﮔﻮﻡ
ﻭﻳﻦ ﺍﺣﻂ ﺍﻟﻮﺍﻟﺪ ﻣﻦ ﺍﻟﻌﺎﺋﻠﺔ
ﻭﺧﺎﻑ ﻧﻮﺻﻞ ﺑﺎﻟﻘﺮﺍﺀﺓ ﻟﺤﺪ (ﻧﻤﻴﺮ )
ﻭﺧﺎﻑ (ﺑﺎﺑﺎ) ﺃﻳﮕﻮﻝ ﻫﺎﻱ ﺍﻟﻤﺸﻜﻠﺔ
ﻳﺎﺷﺮﻳﻒ ﺍﻟﺒﻴﻜﻢ ﺍﻟﺒﺎﻭﻉ ﻋﻠﻴﻪ
ﻭﻳﺎﻫﻮ ﻣﻨﻜﻢ ﺭﺍﺡ ﻭﺗﻔﻘﺪ ﻫﻠﺔ
ﻻﺗﺮﻭﺡ ﺃﺯﻳﺎﺭﺗﻚ ﺑﺎﻃﻞ ﺍﻛﻴﺪ
ﺣﺴﻴﻦ ﻣﺎﻣﺤﺘﺎﺝ ﻣﻨﻚ ﺗﻮﺻﻠﺔ
ﺣﺴﻴﻦ ﺍﺫﺍ ﺷﺎﻓﻚ ﺗﺼﺪﻕ ﻋﺎﻟﻴﺘﻴﻢ
ﺍﻟﺒﻴﺘﻚ ﺍﻳﺪﺯﻫﺔ ﺗﺰﻭﺭﻙ ﻛﺮﺑﻠﺔ
ﺍﻟﻤﻬﺰﻟﻪ ﻣﻮ ﻷﻥ ﻋﺪﻧﻪ ﺍﺣﻨﺔ ﻳﺘﻴﻢ
ﺃﻧﻌﻮﻓﻪ ﻣﻴﺖ ﺟﻮﻉ ﻫﺎﻱ ﺍﻟﻤﻬﺰﻟﻪ
ﺷﺒﻌﺔ ﻛﻠﻤﺔ ﺃﺗﺮﻳﺤﺔ ﻣﻮ ﺃﻟﺔ ﺭﻏﻴﻒ
ﻭﺟﻮﻋﺔ ﺑﺲ ﻟﺘﻜﻠﺔ ﺃﺑﻦ ﺍﻷﺭﻣﻠﻪ

[ضياء الصافي]

أنا ماعندي خبز بس عندي زود
من يمرني الضيف أعزّب بالهله
صح فقير وبايت بنص حظني عوز
ومكابر وي الگمه جنه مدللة
هيه عِبرة وكت ومكابر عجوز
ابين موگده اليلم طارف هله
لاتعيرني برزق من الله جاي
انا من عيال رب المعظله


دمتم بقلمي
موضوع رائع

[فقار الكرخي]

العوز يكتل . .
اسأل مجدي...ولا تسأل حكيم
وهذا المجدي .....يگول
مره جانت عوزه عدنه
ومرنه عزرائيل بيه
اداين من امي ابوي

[فقار الكرخي]

اني يكفيني الوحيد بهل زمان
لو فرق جيبي اگول الله كريم
وغيري
من مليان جيبه
يصيح الله يامحسنين
وعشت بل دنيا يتيم
بزمن بيه شاب الجنين
بوطن بيه ردت قريش
وماكو ابو طالب حنين?


م

[إبتسـامة فـــآترة]

علة جروحك غفيت بليل الهموم وتلكاك الصبح بالهم يوعيك
واذا راد الفرح يتسامر وياك يم حزنة الوكت كلة ويجيل اعليك
عماك وخلة عينك حتة ماتشوف وتضم روحك اذا صاحب يلاكيك
فقير ودمعتك مو مثل الدموع ولا تاجر ومن تنزل تبريك
نعم ترتاح اذا تاجر وشبعان نعم تكتل اذا جوعك يوازيك
غناة النفس اعظم من غنى المال خل نفسك ابية وكلشي يرضيك
ماكو انسان يكتب رزق انسان اذا رب العرش ماراد ينطيك

للشاعر ((نـاظم الحــاشــي))

[إبتسـامة فـــآترة]

فرق بين اليتاني يصبح العيد -
للزوراء ياخذ اهله كلهم
وفرق بين اليتاني يعيد دموع
لان بالنجف راحو كل اهلهم .

[ابن الجنوب]

بس بلقواعد صدك موجود #الضمير