هنا

[أنثى حائرة]

السلام عليكم
اني طالبة تربية فيزياء مرحلى اولى الفيزياء صعبة يرادلهة تعب قوي حيل واني مريضة مااكدر دائما اقرة واسهر يعني اليوم عندي اربع امتحانات ضليت سهرانة واقرة اهلي اقترحوا علي اجل زين ااجل واعيد السنة الجاية لو ااجل واحول كلية اسهل وشنو تنصحوني يا كلية اني معدلي 80 اريد كلية تسوة وسهلة

[قطرة ندی]

هذا الموضوع اني اميرته المدللة كاتبتة ليش مسجل بسم انثى حائرة

[Samer]

أختي العزيزة، اول شي لازم تعرفيه انه (ماكو دراسة سهلة) .. كل دراسة يحتاجلها تعب، والتعب هذا يخلليك ممتاز (علميا) بالنهاية

السنة الاولى دائما هي اصعب سنة بدراسة البكالوريوس، تحس بيها انته ضايع ويجوز تنجح او لا، بس إذا تجاوزتها بقية المراحل تكون (مسيطر عليها)

خطوة التأجيل غير صحيحة، إذا نويتي تبقين بهذه الكلية، فحاولي انه تنجحين، هذا راح يخلليج تتعرفين عل مواد اكثر بحيث حتى لو رسبتي فالسنة القادمة تكون اسهل بهواي، أما اذا قلقة على المعدل من أجل الدراسات العليا، فالسنة الاولى عليها فقط 10% من المعدل الكلي، يعني مو كلش مهمة

إذا تشوفين انه الدروس هواي وصعبة، تكدرين تسوين استراتيجية معينة، أنه تأجلين (درسين) عل دور الثاني بحيث تركزين على بقية الدروس أبتداء من (بعد نصف السنة) وتتركين الدرسين تماما، وبالدور الثاني تدرسيهن بشكل مضبوط وتنجحين

إذا قررتي تغيرين الكلية، لازم تكعدين وية نفسج، وتخللين قائمة الكليات المتوفرة بمحافظتج امامج، وتشوفين نفسج تميل لأي اختصاص، وتسألين عن مستقبل الاختصاص اللي تشوفيه (مناسب) ودراسته من الناس اللي دارسيه وبعدها تقررين قرارج النهائي (وممكن نخدمج بمعلومة عن الاختصاص اللي عندج اسئلة عليه)


لازم تتخذين خطوات جريئة قبل ضياع الوقت، لا تكولين مريضة وما بيه حيل، كوني قوية، القوة مصدرها العقل بالدرجة الاولى مو الجسد، .. وبالتوفيق

[قطرة ندی]

اشكرك جدا فدتني واتوقع راح اضل بالفيزياء اني احبهة

[عراق عراق]

طبعآ من بعد كلام استاذ سامر اني اكول اذااااااااااااااااااااااا ا ردتي ان تأجلي السنه فكليه العلوم تقبل معدلج ومستقبلهه احسن من التربيه
وانتي حرة الاختيار

[$بسكوته$]

حبي روحي English يخبللللللل

[هبة الله..]

عزيزتي كل واحد ويعرف مستواه الفيزياء صعبه روحي علوم قسم بايو موسهل حيل بس دراسته حلوه
والمواد واضحه