شلون انطاك گلبك تزعل وياي
واذ تزعل وازعلك بيش ارضيك..
انه الخليت جرحي بحلمك ينام..
تحرگني واگلك حتى احسن بيك..
هسه تريد تزعل وآنه مذبوح..
من گربت منيتي وجيت اوصيك..
اجيبن يا گلب يتحمل اوداع..
اذا ماي احترگ بيش آنه اطفيك ..
من گال الدمع ينزل على العين…
صح يطيح لكن صبر ينطيك..
اذا شفت الزعل يهدم بالگلوب..
ترى زعلك حبيبي وياي يبنيك..
لان طبعك حليم وتعرف الناس..
وفرق بين اليضحكك والبچيك….
رد مع اقتباس
المشاركة الأصلية كتبت بواسطة الريم
