"من اوكف واعاين وحدي بالبيت...... اشتم ريحة امي بكل زاويه
واتذكر حجيهه اوياي كل يوم....... ومن اتعب توصفني بخطيه
عليه اتخاف من الصبح لليل....... منو بكدهه يحن كل ساعه اليه؟
انطتني عمرهه بكل عبارات......شلون اكدر اجازيهه بهديه؟
اذا نص ساعه مارديت للبيت..... تخلص عيونهه تناطر الجيه
ياربي اطلب طلب تحفظهه للدوم..... واذا تاخذهه تاخذنه سويه
اذا امرض خطيه شلون ترتاح..... تبجي عيوووونهه الحلوه عليه
تصوم الناس كلهه وتعبد الله..... ولجل الجنة تدعي بكل مسيه
خل انقيس امي وجنة الله...... امي الفوك والجنه الوطيه
رد مع اقتباس
