السلام عليكم اخوان ، شلونكم شخباركم ان شاء الله بخير ؟
عمي على كيفكم وياية اشو لا أحد سأل عني ! لا أحد بعثلي رسالة أو معايدة برأس السنة الجديدة ! ولا أحد يذكرني من يعدد أصدقاءه ! شنو القضية سويت شي غلط لا سامح الله ؟ أكو واحد سواء كان من الأخوان الشباب أو الأخوات البنات عنده مشكلة وياية أو غلطت بحقه ؟ خلي ينبهني شنو الغلط وأعتذر منه .
بس مال أنترك هكذا محد يسأل عني وين صار طائر النورس ؟ يا ترى ميت عايش ؟ مسألة مثيرة للاستغراب ، محد فد مرة يبدأ ويدزلي رسالة زوار يسأل بيهة عني دائماً آني أبدأ وأسأل يلة عود يجاوب الشخص اللي سألته ، يمكن كم مرة تنعد على الأصابع بيهة يبدأ عضو ويسأل عني ، شنو هيج ما عندي أهمية بالمنتدى ! لا لهالدرجة مواضيعي تافهة بحيث ماخذين نظرة بأني شخص متهور ومتحبون تتكلمون معي !
والله بعد ما أدري هذا الموضوع رح يبقى لو ينحذف بحجة أنه غير مفيد وأنه مخالف للقانون ؟ هاي بقت يمكم أنتم الادارة ابتداءاً من السيد المدير ونوابه وانتهاءاً بالمراقبين والمشرفين ، بعد أنتم ومروتكم وإن شاء الله ما تحذفوه لأن والله صدك انزعجت واستغربت من اجت السنة الجديدة ومحد عايدني او ذكرني بفد شي بس ، خلتني أتساءل شنو ارتكبت خطأ معين أو تجاوزت على أحد لا سامح الله ؟ فرجاءاً لبو طلبي ولا تحذفون الموضوع حتى لو كان مخالف للقانون يمكن يجي عضو وينبهني الى خطأ ارتكبته بدون ما أنتبه .
شباب أنتظر ردودكم مو تتركوني مثل أكثر الأحيان .
رد مع اقتباس
المشاركة الأصلية كتبت بواسطة كات
