إتذکرتکم...
گمره،مَزویت السمه کلهه نجم...
سَکته،صوت السهر بالحي منعدم...
ینسمع لوطاح من عین الورد صوت النده...
غمضت عیني و شفتکم...
چِنِّه نرسم باچر احلی...
إنکحل العینین بمشاوف بعضنه و ما نحط عالعین کحله...
إعیونِّه ایحاچن بعضهن...
ینثنن من خزره جَبحه...
و بالرمش یتغطن من العینه وکحه...
فتحت عیني و خذتنی الصفنه یمکم...
چانت اعلی الشفه بسمه...
نمدح الماشفنه جسمه...
ما نعوف الچان ویانه ونگول العشره قسمه...
والله یمي اتصورتکم...
چن لزمت اچفوفکم و الماضي عاد...
چن صدر ذب حمله فوگي و شفه فوگ اشفاي وچفوف اعلی متني و گلبي ینبض حیل گام و حیلي باد...
چن علی الصایر لِمتکُم...
الزعل نص ساعه چان...
والدقیقه الفین عام و یمکم احساب الزمان...
عدنه چانن نعمتان...
وحده صحة الي تحبه و وحده لو ذاک التحبه ایعیش مرتاح إبأمان...
ماکو قوّامون اذکر چانت الآیه الشریفه اتگول:
وجعلنا بینکم رحمه و موده و یتلي بالآیه الحنان...
نزلت آیه کید عدکم؟!
الصفنه صوت افکاري یَفَّلهه و عفتکم؟
لو زعل چزز گلبکم چي گلت خنتوني مو آنه الخنتکم؟
روحوا انتو...
یمتی ماروحي اشتهت تشتم عطرکم،تعتنیکم...
روحي ما تنسه دربکم...
آنه آسف عاتبتبکم...
مو بدیه،إتذکرتکم
لفته الحيي قاسم الحموداوي
رد مع اقتباس
المشاركة الأصلية كتبت بواسطة حمودي الساعدي
