بركبتي شكد عطش..
وامشي اعلى مجرى السيف..
وحاضنــهم صدكـ مابيــنت ثــلمه..
يـجون سهـام بيـه مكــابل يطــلعون..
مـلوحتهم بجــرحي تمــشت بهـمه ..
تـارسنـي العـــطش واضحــك بواهس غيم..
المــطر مرات هم مـا ينحسب نعــمه..
فـاهي اللـيل يمـهم حتـى مابي لـون..
ولابـي طيـف يرهـم عالجـفن رسـمه..
ماصـخ مسـتحاهم وانا مالـح طيــب ..
اليتبده وي غيــري بـروحـي مالمـه ..
بيها اعــناد روحــي وي الهـوى من يفوت..
اذا يثـكل علـّـي لومــوت مــا شمه..
اندلوا دمــعتي وعــرفوها وين تطــيح..
يـ ـبللنـي الــزعل واتــنشف بكــلمه ..
دمــعتكـ باردة يكــولون مـا تشتــاكـ ..
وانا خيــالي الحنــين يثكّـل بجــدمه ..
والكــاهم فراغ منــين ماحــط شـوكـ..
الأحبــهم مو نهــار اكلــوبهم ظـلمه ..
اليــضم عنـدي هوى ماسولــفه المخنــوك..
اليــجي بوكـته دمـع بــعيوني ماضمه ..
واهــس ليـل جرحــي شكد سوالـف بي..
عليـه كل ذكـرى مـرّت تنــحسب لجـمه ..
هـوت روحـي وهـوت بس ما هوتهه الـناس..
حجـي عيـوني سهل بس جيب الـيفهمه..
واجـيهم والكه بيهـم حيرة متيهـين..
يطفــون وطعــنهم بالــظهر يـلمع..
وحضرلـهم عـذر والــبس ضحكتي ثياب..
يجــون مـوادع وملــكاي يتــجمع..
يــروحي الليل يكــصر من تنــام العيــن..
يتـرسني الظـلام وجـفني مايقــنع ..
واتــنفس دربـهم واشـهكـ الخطــوات..
واني ادري بــجدمهم بيه ما يتــبع ..
بلمــهم ما مشا ولا جفــل منه الــماي..
ساكـن ما يحــرك كطــرة ما يــدفع ..
واطـش صوتـي نهار بمكبــرة عدلــين..
وخلــي المايشــوف اعلى الاقــل يسـمع..
انا المــثلي جســر من الشمـس للكــاع..
اليـعيش بـوطن روحــي من الصعــب يطلــع..
وانا الصـاحبي افـزع كبل لــيطيــح..
مثــل فــزعة تــراب بــطكــة المــدفـع..
رد مع اقتباس
