يالدوختي عقلي وصافن امن سنين
حاير بالوصف محتار ابدي منين
يالوجهچ كمر ويضوي ليل الناس
يالطبعچ ترف وشفاف چنهن تين
تفاحات خدج والعيون اوساع
مرمر رگبتچ يالهيبه من تمشين
يالشعرچ سرح يشبه سواد الليل
يالشامه البخدچ بيهه مصدومين
يانغمة عشگ واسمعهه تالي الليل
يالصوتچ طرب فيروز من تحچين
اشبهج بالورد مزروعه بالبستان
واخاف اعليچ اسولف حلوه تنحسدين
يا اول محب علمني معنه الشوگ
ويا اول غزل طر الگلب نصين
يالعطرچ طبع بثيابي حد اليوم
من ذاك المسامر واحنه سهرانين
امچ جابتج معقوله تسع شهور
لان بس عين وحده تريد كومه اسنين
علي الشمري
٢٠١٥/١/٢
الساعه الثامنه مساءً
رد مع اقتباس
المشاركة الأصلية كتبت بواسطة نبع الحياه
