انته دجال الزمان؟!
های مده امتانی جیتک ما اجیت...
یشهد ابلیس آنه بفراگک بچیت...
لا تخاف الدنیه ما بیهه امان...!
الروس صارالهه سنام...
اللگمه لو من تعب طلعت یعنی عند شعبی حرام...
للـ لیل سوینه شمس...
و الشمس نطفیهه بالسبعه الصبح وقت المنام...
لا تخاف اچفوف اهلنه اتگطعن معناهه ماتلگه حنان...
البیوت الحمر کثرن و الکواعب للعمل نزل علی اچفوف الأرض...
و الزناء اصبح فرض...
منهو عاجل؟
کلمن ایصیح آنه حُر عوف العرض...
حیَّ عالدانَ و دان!
الماهو دیمقراطی یعنی ارهابی...
شیعی،سنی؟
الما عجب بعض الرفاگه مشرک و وهابی...
و البریء اصبح مدان!
هیِّ کثرت،هو قل...
و الصبر من روحه مل...
هآآآ،ابشرک حتی ذاک الصاح هیهات آنه اذل من جوعه ذل...
و الشجاع اصبح جبان...
سیِّرَو ربعک علینه و انته عالرادک بطیت...
تیهت درب الیحبک؟
اشلون؟
عین وحده و من رمل بیداء ربعک یا بعد روحی عمیت!
لا سلم شخصک لو بحبابه خان...
لفته الحیی قاسم الحموداوی
5ربیع الأول1436
رد مع اقتباس
المشاركة الأصلية كتبت بواسطة qasim wazireah
