هنا

[أنثى حائرة]

السﻻم عليكم
كل عام وانتم بخير
ان شاء الله سنة راحة وطمأنينة على العراقيين جميعا
البنت عندما تخطب تفرح...اﻻ انا
ﻻاعلم لما....لكن لدي عدة اسباب لذالك الحزن
تقدم لي اقاربي وهذه المرة الرابعة وانا ارفض..لكن هذه المرة اهلي وافقوا ويقنعون بية ﻻن كولش عاجبهم الولد
واني بعمر زواج يعني ﻻزم اتزوج ميصير اكلهم مااريد اتزوج هسة
المهم الولد حباب وابن عائلة معروفة واهلة كلش يحبوني
بس هو تارك دراستة وهسالسنة اﻻ بقة يصلي
واني دارسة ومتوصلة ومثقفة والحمد لله من تكلفت واني ملتزمة بواجبات ديني..
حاليا اني محتارة ..ﻻن مااحس سعادتي مع هالشاب
بس اهلي يكلولي حتندمين عليه
تقدموا لي هواي ومن رفضت مشفت اهلي هالكد معارضين كانو يستقبلون الفكرة وكلش عادي ميعارضوني
بس هالمرة ﻻاا ...
احسهم الكل يكلي وافقي ﻻتندمين
وحاليا اني محتارة جدا....مااعرف اوافق لو ارفض..والسبب هو مدارس وكان ميصلي ومااحس هو شريك حياتي
شكرا لكم مقدما...لكل من ينصح

[يرار بيكه]

والله يااختي اذا كان الولد صاحب اخلاق رفيعة مومهم الدراسه شوفي اخلاقه وتعامله مع الناس وحياته واما صلاته تاكدي منه وشوفي اذا تاب لله وبعد مايقطع صلاته ونيته خالصه لله بالصلاة موعلمود احد ومايقطعه وافقي وتبقه انه قناعتج اهم وشوفي نفسج تكدرين تكونين اسرة ويا لولا وكلشي غصب الاالزواج

[حمودي الساعدي]

وانتي بالف خير ولتظوجين ولا تنقهرين وثانيا يا اختي العزيزية الزواج مو بلفلوس او بلشكل الزواج اهم شي الاخلاق السمعة ويعيشج ايام حلوة شنو الفائدة اذا تزوجتي شخص عندة فلوس وعندة شهادة بس يعيشج ايام سودة يخليج تكرهين نفسج واذا ع الصلا مثل مكالت الاخت تكدرين تقنعي انتي المهم هذا رايي تحياتي الج

[Heaven]

"عسى ان تكرهوا شيء وهو خير لكم "
حبيبتي اهلج من حرصهم عليج واهتمامهم بمستقبلج ..همه يردون هذا الولد ..
والا شلون يوافقون على واحد مو ملائم؟؟
انصحج تسمعين رأي اهلج واقبلي ..
واذا ع الصلاة تكدرين بعدين تقنعي ..
وان شاء الله كل الخير ^^

[نـرٍجٍـس آلُِـمـوُسـوُي]

السلام عليكم ..
عزيزتي نصيحة لك ...
اذا ما مقتنعه بالشاب 100% ﻻ توافقين
ﻻن بالمستقبل راح تتعاملين وياه بكل تفاصيل شخصيته
( عصبي. .ضايج . ....الخ ) واي تصرف بأي حال راح تتندمين ﻻن وافقتي بدون اقتناع او نزوﻻ لطلب اﻻهل ... اﻻهل مو دائما على حق
.


وجهه نظر •♥

[ِAbdullah Al-Badri]

اختي الدراسة مو فد مشكلة فكم من دارس وهو يتعامل بهمجيه ورعونه وكم من ترك الدراسة وهو على مستوى عالي من الثقافة والخلق ...

اهم شي انه انسان خلوق وذو سمعه طيبه ويقدر قيمتك كازوجة وكنصفه الاخرى .
اما الرزق فهوا من شان الرب يرزق من يشاء ..
فكري وصلي استخاره ....فالفرصة لا تاتي مرتين ...
وفي هل وقت سعيدة حظ من تجد رجل بمعنى اكلمة ..
الله يوفقك ويكتبلك السعادة في حياتك .

[$بسكوته$]

حبيبتي الاقارب عقارب بس هاي اكولهة وانتي فكري