هنا

[Pure]

الى الغائب الحاضر
سانتا كلوز .. الملقب بـ بابا نؤيل ..

راس السنة صارت وانت مامريت !!
زرع يابس ننتظر جيتك .. سحابة ..
بابا نؤيل ..
نسمع بيك احنه و مانشوفك ليش ؟!
يمعود تعال و فرّح اگلوب اليتامه ...
بس لا تروح البيتنه اهناك
تدري احنه اتهجرينه ويه الگرابه ..
و تدري هسه بيوتنه بنص الخرابة ..
وتدري .. ملك الموت صاحي و ماينام ..
ياخذنه يريد وحاد انيابه ..
بابا نؤيل ..
اطفال العراق اتريدك اشلون !!
ماتگدر تجينه انت معذور
لأن بيت العوز محد يدك بابه ...
بس بأمريكا تهل .. و إتونس الناس ...
يلا ... فرحوا بيك عنه.. بالنيابه !!

يا الـ بابا نؤيل
الوضع مايسرّٓك من تجي هنا ..
المدارس هي بيت و هي للتعليم ..
و كل يوم انفجار ... أتعج ترابه
ماتسمع خبر بس عن الأموات !!
هذا انقتل .. هذا راح .. و هذا مات
البشر الينولد عدنه .. ميطول هواي
من وعينه اللطم active ... و بشبابه
بابا نؤيل ..
اطفال العراق .. اليوم ... حيل محتاجيك ..
اليردونه منك ... شي بسيط
لا رادوا هدايا ... ولا لعابه ...
اليردونه منك انه أگلك بي ...
اسمك مو مركب ..؟!
سويه نصين ..
نؤيل خلي الك .... وانطينه بابا ...!!!

[مجنون الجوكر]

حلوووه ^__^

[ِAbdullah Al-Badri]

كانت. الصياغة ارؤؤع لو كان هناك تناسق

على عمووم كلمة وفكرة حلووة

[شذى الربيع]

حلووووة عاشت ايدك

[إبتسـامة فـــآترة]

اليردونه منك انه أگلك بي ...
اسمك مو كلمتين ..؟!
سويه نصين ..
نؤيل خلي الك .... وانطينه بابا ...!!!

من اجمل ماقرأت عيناي ....
فكرت فيما يجب النطق به ...لكنني خشيتُ ان أثير الضوضاء
بي هذه السطور الذهبية التي حملت بطياتها اجمل تعبير عن حآلنا
شكرا عزيزتي لروعة الكلمات

[hussien hider]

عاشـــــــــــــتت ايدج

[علي الشمري]

كلمات جميله
بدايه موفقه

[أغرد بهمس]

روااائع
شكرا لك

[نـرٍجٍـس آلُِـمـوُسـوُي]

عشتي بيور المبدعه في كل شيء
سلمت اناملك الرقيقه وروحك النقيه

تقييم تحيتي

[ابابيل]

من يوم الوعينه واللطم اكتف ههههههه قصيدة كلش حلوة وابداعية لو بس شويه يراد وزن الف ششكر واحترام