شو مدري ليش حاسه بنفسي ارد اموت !
الدنيه خنكَهـ .. ضلمه صنته بلايه صوت
جانت قبل * ضحكاتي ويـــــن
هسه !.. دموعي نهر تزلكَـ اذا يمههـ تفوت
ارد اموت !!
بنفسي اضوكَـ النومهـ الحلوه الطويلهـ
مو هذيج البيههـ احلامي قليلهـ
انه .. واحلامي نطالب بكَبر يجمعنهـ كلنهـ
متحققن اي ..هنه صح بس عاد خل يلتم شملنهـ
ارد اسولف الأمنياتي .. حن حلم جان بخيالي *
سلبني كلشي.. اختصر الهن كلامي حيييل بجاني ليالي !
جان حلمي نجمه فوووكَـ .. فوكَـ كلش شكَد حاولت
مديت ايدي .. لكن للأسف هم مالحتههـ
جنت انه انسانهـ طيبهـ.. بطيبة الوادم الراحو
بطيبة رغيف الخبز التخبزة امي ..!
جنت اساعد هذا .. ذاك ..ما اجذب
جنت اضحك بس!, وره ضحكاتي همي
جنت اكَولن باجر اكبر .. هيج اصيراً هيج اسوي
اشوهسه .. مالي واهس الهوه بخشمي اشمه ‘
مو اكَولن راح اموتن . يجوز عكَبهـ .. وليش عكَبهـ ؟
يجوز باجر, وبعدههـ للنور اسافر من عكَب ماشفت عتمهـ !
قبل لا ودع حياتي ..ارد اسلم على ناسي على اهلي ..
وبالخصوص امي العزيزه الغاليهـ ..!
يمهـ تعبتج هوايهـ دموع عينج نزلت هواي عليه
حد ما ترست الاراضي الخاليهـ !
يمه .. دموعج عزيزه لاتنزليها بوفاتي
يمه اسود ما اريدن .. جنت اكرهنهـ بحياتي
يمه .. فاتحتي اريدنههـ بحديقهـ
بالحديقهـ بقرب شجرة !!
من يمر تابوتي يمهـ اتمنى اسمع ‘ صوت العصافير التغرد
وصوت اغصان الاوراق المخضرة ..!
يمه اوعديني ! تروحين الرحلتي .. خلي بيههـ ورود حمرة *
يمه مدرستي يمه .. حييل مستحيهـ انه منههـ ..(
لو اجت سألت الشعبهـ ., وين وردتنهـ المزهرة ..؟؟
(* صديقاتي *) يمه ..اعتذريلي منهن وحده وحده
كوليلهن وعد الفرح ضل بيناتنه بس ., الفرح راح وتعده !
يمه .. اخواني واخوتي .. يمه الانسان الاحبهـ
يمه كَليلهـ تحبك ! .. كوليله بجت عيون اعلى دربك
يمه كليله.. قبل لا تشهكَـ النفس الاخير نادت بــ أسمك
يمه.. سلميلي اعلى ابوي *ابو المحنه*
بوسيلي راسه هو ضحهـ هواي لأجلي ..
جان شمسيتي بوكت جان المطر !
يمه كوليلهـ تكَول
قبل لا روحن يبوي مودموع .. انه بجيتك عمر :(
احنه نعرف .. عادة الناوي يموت يكتب وصيته ..!
وأنهـ اكتبت الوصية .. براحتي خلوني اموت
ارد اموت
ارد اموت
بقلمي/ هذه هي وصيتي لكل من يقرأها
.
.
~
رد مع اقتباس
