درر العراق

فقار الكرخي · 30/December/2015

مذبوح راس السنه
والابو هم انذبح
بابا نؤيل لا تجي
مفرفح گليبه الطفل
واسمك يلچم ايتام
شباچ ما عدنه تره
تشمر هدايا شلون
والسطح يرجف برد
وانه ارجف خوف
مشكور ما قصرت
خلي الجهال تنام
فدوه توهم غفو
لو ذكرو ابوهم تره
اسكتهم انه بصور
انه اريدن بس علي
هذا ابوهم صدك
هو يلولي دفو
موطني شكد صلف
كل عام وانت.. ب يتم
وكل عام چنك رعب
وكل عام يا أبو النفط
حتى النفط عنده ابو
بس الجهال ايتام .....؟؟؟

م